O primeiro contacto coa montaña da Volta a Galicia decidiuse cun final axustado en Baiona. Jorge Martín Montenegro foi o máis rápido dun cuarteto que se presentou na liña de meta da segunda etapa con catro segundos de vantaxe sobre o pelotón. O ciclista arxentino do Aluminios Cortizo de Padrón superou ao esprint a Jacobo Ucha (Vigués) e a terceira praza ocupouna o novo líder, o andaluz Alejandro Ropero (Kometa), que desbancou do máis alto da xeral a Roger Adriá (Lizarte).

As etapas da Volta a Galicia poderán seguirse en streaming a través da canle de YouTube de EME Sports: https://www.youtube.com/watch?v=t3L2j8KpHcA

Roger Adriá, corredor catalán do Lizarte, vestiuse na localidade pontevedresa de Baiona co primeiro maillot amarelo de líder da Volta a Galicia. A formación navarra impúxose na contra o reloxo por equipos inaugural por unha exigua diferenza nos 8,3 quilómetros de recorrido. O seu rexistro de 8:45 rebaixou nun segundo o asinado polo Kometa. O Supermercados Froiz rematou terceiro e como mellor conxunto galego.

As etapas da Volta a Galicia poderán seguirse en streaming a través da canle de YouTube de EME Sports https://www.youtube.com/watch?v=RmuP78uZPk8

Unha contra o reloxo por equipos dará este xoves en Baiona o bandeirazo inicial á XVIII Volta Ciclista a Galicia para corredores Elite e Sub23. A gran rolda autonómica alcanza a maioría de idade e celebrarao indo do sur ao norte da comunidade, dende o Atlántico ata o Cantábrico, en catro xornadas de máxima esixencia. Un espectacular percorrido no que 119 ciclistas de dezasete equipos loitarán por suceder a Sergio Vega no palmarés da carreira que pecha o calendario amateur español.

A protagonista en Baiona este luns foi a mobilidade. Con motivo do comezo da Semana Europea de Mobilidade o Concello de Baiona organizou varios actos.