Novas BTT

Susana Alonso, Javi Busto e Ana González, líderes do Open de España XCM





Tres corredores galegos saíron vestidos de amarelo da sexta edición de la ChainReactionCycles.com Quebrantahuesos MTB (QH MTB), segunda proba puntuable do Open de España de Cross Country Maratón (XCM). Susana Alonso (Extremadura-Ecopilas) rematou como segunda muller elite e mantén o primeiro posto na xeral, Ana González (Extol-La Gramola Team) tamén conserva o liderado despois de repetir triunfo nas Máster-40 e o seu compañeiro de equipo Javi Busto impúxose nos Máster-30 e situouse no máis alto do ranking da súa categoría. 


Repóker de triunfos dos bikers do Maceda no Open de Galicia – Anova XCO de Arteixo





Os representantes do Academia Postal – Actyon – MMR de Maceda arrasaron no XII Trofeo BTT –XC Concello de Arteixo. En total, anotáronse o triunfo en cinco carreiras e catro dos seus bikers vestíronse de líderes nesta terceira proba puntuable do Open de Galicia – Anova de Cross Country Olímpico (XCO). A cita no monte de As Lavandeiras tamén serviu para dar inicio á quinta edición do Circuíto BTT Deputación da Coruña.


Brandan Márquez, vencedor da Vall de Mediona do Open de España de Ultramaratón





A Vall de Mediona MTB Ultramarathon, segunda proba do Open de España da especialidade, tivo como vencedor ao galego Brandan Márquez (Gexa-X Sauce) nunha xornada marcada pola espectacularidade e a esixencia do circuíto preprado polo quíntuplo gañador da Pedals de Foc Non Stop, Llibert Mill, así como por unha fantástica meteoroloxía.


Arranca o V Circuíto Deputación da Coruña de BTT-XC





Este sábado ponse en marcha no XII Trofeo BTT Concello de Arteixo o V Circuíto Deputación da Coruña de BTT-XC. 

Os seus requisitos serán os mesmos que os da pasada edición. O Open de Galicia - Anova XCO e o V Circuíto Deputación da Coruña de BTT-XC transcorrerán de xeito paralelo,  puntuando ao mesmo tempo todos os corredores galegos para ambos. O mellor corredor coruñes de cada categoría será o portador da camisola azul da Deputación nas probas da provincia da Coruña. 


O Open de Galicia – Anova XCO e o Mini BTT teñen cita este sábado en Arteixo





O circuíto do monte As Lavandeiras en Arteixo reunirá este sábado aos especialistas galegos de mountain bike de todas as idades. Pola mañá celebrarase a primeira xornada do calendario autonómico de Mini BTT e pola tarde a terceira carreira puntuable do Open de Galicia – Anova de Cross Country Olímpico (XCO), unha proba coa que ademais se pon en marcha o V Circuíto BTT Deputación da Coruña.