Novas BTT

O XCM galego obtivo catro medallas e rozou o podio elite feminino no Campionato de España





María Teresa Barreira revalidou o seu título máster-40 A e encabezou os resultados da Selección de Galicia no Campionato de España de Cross Country Maratón (XCM) celebrado este domingo na localidade xienense de Cazorla. Dúas medallas de prata, acadadas polo máster-40 A Alejandro Trasbach e polo máster-50 A Franciso Xavier López Cedrón, completaron a colleita do combinado autonómico, que acariciou unha cuarta presenza no podio elite feminino. Ademais, o galego Jorge Novoa fíxose co bronce máster-40 B defendendo as cores do Burgas Bike Team. 


Lara Lois e Saúl López revalidan en Ares os seus títulos galegos de XCO





As coroas de reis do cross country olímpico (XCO) autonómico non cambian de propietarios. Lara Lois (Extol–La Gramola Team) e Saúl López (Academia Postal – Maceda) revalidaron os seus títulos no Campionato de Galicia celebrado este xoves no circuíto de Montefaro (Ares). A grovense e o monfortino impuxéronse nas carreiras Elite e Sub23 dunha xornada pasada por auga.


O XCO galego festexa o 25 de xullo co seu campionato en Ares





Douscentos bikers celebrarán este xoves a festividade do 25 de xullo pugnando polos maillots de campións galegos de cross country olímpico (XCO). Montefaro, no concello coruñés de Ares, será o escenario desta cita que chega días despois do Campionato de España disputado en Navarra e onde a Selección de Galicia acadou tres medallas, entre elas, o ouro na proba Team Relay. No colofón da temporada o XCO galego ten motivos para festexar. 


A oitava edición do DHU Vila de Sarria foi un éxito de participación e asistencia





Os números non enganan, a VIII edición do mellor descenso urbano de España deixa claro que 200 riders e máis de 7000 asistentes non se equivocan. Esta pasada fin de semana tivo lugar o DHU Vila de Sarria, un auténtico éxito de asistencia, que encheron as rúas que percorren o circuíto máis extremo do descenso urbano.