BTT Enduro

A Copa Galicia Enduro pechouse con Duarte e Ferreiro vencendo no Open de España de Montefaro





Os riders galegos exhibíronse o pasado domingo na Montefaro Enduro Race, antepenúltima proba do Open de España e derradeira da Copa Galicia. A elite Desiree Duarte (Condado Bike) e o elite Toni Ferreiro (Coruxo) encabezaron o festival dos corredores locais dominando as dúas clasificacións absolutas. Houbo outros catro triunfos autonómicos nesta cita organizada polo Pulpeiros Mugardos e que contou con preto de 300 participantes. 


Santos Lemos e a Baixomiño Experience estreáronse ao grande na Copa Galicia de Enduro





Dobre bautizo soñado na terceira e penúltima xornada da Copa Galicia de Enduro. Os montes de A Guarda acolleron o pasado domingo a primeira edición da Baixomiño Experience, un evento promovido polo clube ciclista In Situ e que resultou un éxito organizativo con 198 participantes en liza. Entre todos estes riders o máis rápido foi o máster-30 Santos Lemos (Grupeta Pan de Zarko), quen nunca antes acadara o triunfo absoluto nunha proba do calendario autonómico. 


Triple triunfo galego no Open de España de Enduro en La Adrada





Os especialistas do noso ciclismo en Enduro demostraron o seu poderío na segunda proba puntuable do Open de España. Ata catro galegos pisaron o podio en La Adrada (Madrid) e tres deles fixérono como gañadores das súas categorías. Zoe del Río (Marín) venceu na clasificación cadete, Tony Pérez (Condado Bike) na máster-40 e a súa compañeira de equipo sub23 Desirée Duarte na absoluta feminina. Ademais, Mario Fernández (O Rosal) asinou a segunda praza nos juniors.


Tony Pérez e Desirée Duarte estrean o palmarés do Enduro ADC Picaraña





A Copa Galicia de Enduro fixo parada este domingo en Ponteareas para vivir o debut do Enduro ADC Picaraña no calendario autonómico. Nesta estrea douscentos corredores percorreron os montes da localidade pontevedresa e os dous triunfos absolutos quedaron nun clube que competía na súa casa. O máster-40 Tony Pérez e a sub-23 Desirée Duarte selaron o dobrete do Condado Bike na segunda xornada puntuable do certame autonómico. 


Borges e Duarte dominan no regreso do VigoBikeContest a Coruxo





O regreso tras os incendios do VigoBikeContest aos montes de Coruxo non puido ser máis doce na apertura da Copa Galicia de Enduro 2019. Uns circuítos excelentes para a práctica do enduro, un récord de participación con 220 riders disputando as probas e un público local entregado, animando en todos os tramos. 


A VigoBikeContest celébrase este domingo en Fragoselo con récord de participación





Este domingo dispútase en Fragoselo unha nova edición da VigoBikeContest de Enduro, cita que organiza Singletrack Outdoor Sports co patrocinio do Concello de Vigo, e que marca o inicio da Copa Galicia 2019 desta modalidade. A proba, que se celebra ininterrompidamente desde o ano 2000, conseguiu nesta edición récord de participación con 220 inscritos de Galicia, Asturias, Castela-León e Portugal.


A Copa Galicia de Enduro 2019 estréase este domingo cun calendario cheo de novidades





A primeira Copa Galicia 2019 que se pon en marcha é a de Enduro. Este domingo a VigoBikeContest abre un calendario que chega cargado de novidades. Das catro citas que compoñen este certame autonómico, dúas celebrarán a súa primeira edición.

O pano da temporada galega de Enduro levántase co VigoBikeContest regresando a súa casa. Os montes da parroquia Coruxo volven acoller unha competición que a pasada campaña tivo que cambiar de ubicación debido á tráxica vaga de incendios  sufrida meses antes no sur da nosa comunidade. 


Mario Fernández subiu ao podio júnior na primera proba do Open de España de Enduro





O EnduBítem deu o pistoletazo de saída este domingo ao Open de España de Enduro 2019 e un galego pisou o caixón en terras tarraconenses. O júnior Mario Fernández (O Rosal), gañador do certame estatal o pasado ano na súa categoría, fíxose coa terceira praza. 

O rosaleiro acumulou un tempo de 21 minutos e 14 segundos nos catro treitos cronometrados. Ese rexistro situouno a un minuto e medio do gañador Ignacio Valverde (Calderonabike) e a 23 segundos de Bernat Prat (San Celoni), segundo clasificado.