Carretera Ruta

Delio Fernández comezou a temporada rematando entre os dez primeiros da xeral no Tour de Taiwán





Inicio exótico de calendario para Delio Fernández. O ciclista moañés do Nippo Delko One Provence abriu a súa temporada disputando o Tour de Taiwán e nesta proba por etapas do UCI Asia Tour conseguiu a novena posición na clasificación xeral final


Moreira dálle a vitoria ao Vigo-Rías Baixas na primeira cita da Copa de España Elite e Sub-23





O uruguaio Mauricio Moreira (Vigo-Rías Baixas) coroouse en Don Benito (Badaxoz) campión do Circuito Guadiana 2020, primeira proba da Copa de España Elite e Sub-23. A carreira estremeña, de 171,4 quilómetros, volveu decidirse no alto de Magacela, que se subiu ata en catro ocasiones e que, na última ascensión, tornouse decisivo para o desenlace da carreira.


Catro equipos galegos rodan desde este domingo no pelotón da Copa de España Elite e Sub-23





O Circuito Guadiana dá este domingo o bandeirazo de saída á Copa de España Elite e Sub-23 masculina de Estrada. Unha quinta parte dos 20 equipos oficiais que compoñen o pelotón do certame máis prestixioso do campo amateur español son galegos. Supermercados Froiz, Vigo-Rías Baixas, Alumios Cortizo e Gsport-Velofutur participarán nas once xornadas puntuables dun calendario que rematará o 9 de maio en Padrón. 


Carlos Canal bautízase como profesional esta fin de semana en Francia





O ciclismo galego aumentará a súa nómina de ciclistas profesionais de estrada durante esta fin de semana en Francia. Carlos Canal entrou na aliñación do Burgos BH para dúas clásicas pertencentes ao calendario das UCI ProSeries. Aos seus 18 anos, o de Xinzo de Limia disputará o sábado a Faun-Ardèche Classic e o domingo descubrirá a Royal Bernard Drôme Classic.


Marque e Sánchez rodarán desde este mércores no pelotón da Volta ao Algarve





Con 25 equipos dándose cita na liña de saída, doce deles do World Tour, a Volta ao Algarve ponse en marcha este mércores con dous corredores galegos defendendo as cores de formacións continentais portuguesas: Alejandro Marque (Atum general/Tavira/Maria Nova Hotel) e Ángel Sánchez (Miranda-Mortágua).


Décimo posto para Daniel López, sen equipo, na Prova de Abertura





O calendario portugués de estrada 2020 estreouse este domingo coa Prova de Abertura e nas estradas da rexión de Aveiro houbo unha destacada representación galega. Entre todos os ciclistas da nosa comunidade que tomaron a saída en Albergaria-a-Velha, o mellor clasificado foi Daniel López. O corredor coruñés, que se atopa sen equipo, obtivo a décima posición na liña de meta de Vagos.


Presentación do Aluminios Cortizo en Padrón





O novo proxecto do Club Ciclista Padronés celebrou a súa presentación oficial este venres nun acto no auditorio do Centro Social de Padrón ao que acudiron os corredores de todas as categorías. Daban así o pistoletazo oficialmente a unha nova tempada, que será a número 64ª do club.

O equipo, arroupado polas categorías inferiores e un salón de actos cheo, fixouse expectativas de mellora para este próximo curso co principal obxectivo da Copa de España.


Cristian Mota regresa ao pelotón elite e sub-23 coas cores do Supermercados Froiz





O Supermercados Froiz anunciou a fichaxe de Cristian Mota, o corredor ponteareán que este ano gozou da súa primeira experiencia como profesional na estrutura portuguesa do Miranda-Mortágua. 


Paula Sanmartín incorpórase ao Bizkaia-Durango





Paula Sanmartín (Vigo, 1997) é a undécima ciclista confirmada no cadro de corredoras do Bizkaia-Durango para a temporada 2020.

A ciclista galega, procedente do equipo Eneicat, conta con dous anos de experiencia en equipos UCI, incluída unha campaña en Italia na que tivo a oportunidade de debutar no UCI Women' s WorldTour, disputando carreiras como a Strade Bianche.

Sanmartín é unha ciclista todoterreo que ofrece boas prestacións en carreiras duras, sen esquecer a contrarreloxo, modalidade na que conseguiu algúns dos seus maiores éxitos. 


A Copa de España Elite e Sub-23 de estrada rematará en Padrón no 2020





A 58ª Clásica de Pascua porá o punto final á Copa de España Elite e Sub-23 o vindeiro 10 de maio. A proba organizada polo Club Ciclista Padronés é unha das dúas novidades que presenta o certame estatal para o 2020. 

A Comisión Delegada da Real Federación Española de Ciclismo (RFEC) aprobou na súa última reunión o calendario 2020 da Copa de España de Estrada de Mulleres, Júnior, Máster e Elite-Sub23, así como a concesión do Campionato de España Escolar, que se celebrará en Cantabria do 3 ao 5 de xullo.