Carretera Ruta

Veloso atrapa o amarelo na terceira xornada da Volta a Portugal





No primeiro final en subida da 81ª Volta a Portugal o vilagarcián Gustavo César Veloso vestiuse de amarelo. Terceiro no alto de 4ª categoría de Loures, o capitán do W52-F.C. Porto fíxose co maillot de líder que lucía o seu compañeiro de equipo Samuel Caldeira. Outro galego, Alejandro Marque (Sporting Tavira), rematou noveno e na xeral ascende ata a sexta posición.


Veloso quedou a 199 milésimas da vitoria no prólogo da Volta a Portugal





A 81ª edición da Volta a Portugal púxose en marcha este mércores en Viseu con Gustavo César Veloso (W52-F.C. Porto) sendo o último corredor en tomar a saída e rozando o triunfo. O de Bamio rematou terceiro, a 199 milésimas do gañador, o seu compañeiro de equipo Samuel Caldeira.

Veloso percorreu os 6 quilómetros desta proba contra o reloxo en 7 minutos e 28 segundos. Entre os dous corredores do W52-F.C. Porto situouse Gian Frieseck (Swiss Racing Academy), que superou en 88 milésimas o tempo de Caldeira. 


Trío de galegos no pelotón da 81ª Volta a Portugal





O gañador da xeral no 2014 e no 2015 Gustavo César Veloso (W52-F.C. Porto), o vencedor no 2013 Alejandro Marque (Sporting-Tavira) e o debutante Cristian Mota (Mirando Mortagua) compoñen o trío de representantes galegos no pelotón da Volta a Portugal que arranca este mércores 31 de xullo en Viseu.


Jaime Rivas, Rubén Fernández, Alfonso Fernández e Manuel Prieto vístense como campións galegos Máster no 'Muro de Tui'





Os títulos autonómicos Máster de fondo en estrada decidíronse este domingo nun final digno dunha clásica das Ardenas. Rubén Fernández venceu en solitario no 'Muro de Tui', a explosiva subida na que remataron os 80 quilómetros con saída e chegada na vila tudense. O máster-40 do Norinver compartiu podio cos novos campións das outras tres categorías: o máster-30 Juan Rivas (Noela), o máster-50 Alfonso Fernández (Orensano) e o máster-60 Manuel Prieto (Norinver).


Carla Fernández rematou cuarta na xeral final júnior da Copa de España Féminas Cofidis





A Copa de España Féminas Cofidis concluíu o pasado sábado en Villasana de Mena (Burgos). A galega Carla Fernández (Río Miera-Meruelo) chegaba metida de cheo na loita polo podio final júnior, pero a decimosexta praza asinada na sétima e última cita deste certame non lle permitiu escalar ningún posto na clasificación xeral.

A viguesa rematou os 72,5 quilómetros do Gran Premio Muniadona pechando un grupo de oito unidades que cruzou a liña de meta a 2:01 da gañadora Inés Cantera (Moreaga). 


Veloso vence no prólogo e lidera a xeral do Trofeo Joaquim Agostinho





 

O galego Gustavo César Veloso (W52-FC Porto) adxudicouse este xoves o prólogo do Grande Prémio Internacional de Torres Vedras - Troféu Joaquim Agostinho, asumindo o liderato da xeral individual en Turcifal, Torres Vedras.


Campionato de España Elite en Ruta: Froiz e Cortizo subiron ao podio, Blanco foi o mellor galego





Alejandro Valverde (Movistar) proclamouse este domingo campión de España en Ruta na carreira Elite-UCI e Elite na que os tres equipos galegos participantes estiveron representados no grupo dos elixidos. Dous deles, o Supermercados Froiz e o Aluminios Cortizo, pisaron o podio da categoría Elite. 


Carla Fernández, sétima júnior na penúltima cita da Copa de España





A viguesa Carla Fernández loitará na despedida da Copa de España Féminas Cofidis 2019 por meterse no podio final . A corredora júnior do Río Miera - Meruelo ocupa a cuarta posición na clasificicación xeral do certame estatal despois de rematar sétima o pasado sábado no II Trofeo Femenino Ayuntamiento de Estella. 


O Campionato de Galicia de estrada Cadete, Júnior e Feminino celebrarase o 7 de setembro en Monforte





O alcalde de Monforte, José Tomé Roca, e o técnico Municipal de Deportes do Concello, Óscar Rodríguez, mantiveron este luns unha reunión na Casa do Concello co presidente da Federación Galega de Ciclismo, Juan Carlos Muñiz, co fin de analizar a viabilidade da organización en Monforte do Campionato Galego de Ciclismo Fondo en Estrada 2019 para categorías Cadete e Júnior masculino e feminina, e Sub-23, Élite e Master feminina.