Carretera Ruta

A Volta a Lugo Máster celebra esta fin de semana a súa cuarta edición





Con tres etapas en dúas xornadas a Volta a Lugo Máster apoderarase esta fin de semana das estradas da Ribeira Sacra. O Club Ciclista Chantadino organiza a cuarta edición deste evento que agarda reunir a preto de 200 corredores. O prazo para inscribirse en emesports.es péchase este xoves, día 28, ás 23:00 horas.


A Copa Galicia de Estrada Máster terá cinco citas puntuables





O IV Memorial Fernando Abad dará o bandeirazo de saída o domingo 24 de marzo en Sigüeiro á segunda edición da Copa Galicia de Estrada Máster. O calendario 2019 deste certame autonómico presenta outras catro probas puntuables. 

Na primeira fin de semana de abril, o domingo 7, disputarase o VII Trofeo De Ciclismo Concello da Estrada. Tras arrancar con dúas carreiras en quince días, a Copa vivirá unha paréntese e regresará con forza a principios de xuño.


O X Circuíto Teense inaugurou a temporada máster en Galicia





Coa décima edición do Circuíto Teense arrancou o pasado domingo o calendario de estrada para os corredores masters galegos.  O máster-30 José Ignacio Méndez (Garaje Paco) , o máster-40 Rubén Fernández (Norinver), o máster-50 Juan Adolfo Fernández (Máster da Louriña) e o máster-60 Manuel Vigo (Bicis Oliveira) foron os primeiros vencedores da temporada 2019. 


Tres conxuntos galegos inician a súa participación na Copa de España Elite-Sub23





O Circuito Guadiana abre este domingo a Copa de España de estrada Elite-Sub23 con tres conxuntos galegos na liña de saída. O Supermercados Froiz, o Vigo-Rías Baixas e o Aluminios Cortizo afrontan coa máxima ilusión este certame reservado para corredores Sub-25 e composto por nove probas puntuables

As primeiras camisolas de líderes poranse en xogo en terras extremeñas sobre un percorrido de 172 kilómetros, con inicio e final na localidade pacense de Don Benito. 


Marque e López Parada disputan desde este mércores voltas HC





Dobre cita no sur da Península Iberíca desde este mércores para dous dos ciclistas profesionais galegos. O coruñés Daniel López Parada (Burgos BH) participa na 65ª Vuelta a Andalucía - Ruta del Sol e o estradense Alejandro Marque (Sporting Tavira) forma parte do pelotón da 45ª Volta ao Algarve. López parada continúa en Andalucía o seu periplo polo sur de España despois de disputar a pasada semana a Vuelta a la Región de Murcia e a Clásica de Almería.


Froiz, Cortizo e Rías Baixas compiten no XX Memorial Sanroma en terras manchegas





Supermercados Froiz, Rías Baixas e Aluminios Cortizo disputan esta fin de semana o XX Memorial Sanroma en terras manchegas.


O pelotón feminino galego botou a rodar na Volta a Valencia





A ciclista sub23 Paula Sanmartín (Eneicue Cycling Team) foi a representante galega mellor clasificada na Volta Ciclista a Valencia 2019, proba internacional que reuniu a unha vintena dos mellores equipos profesionais femininos europeos da actualidade.

Sobre un trazado de 89 quilómetros entre Paterna e Valencia e con máis dun centenar de ciclistas en competición, a viguesa logrou finalizar a 1.33 da gañadora, a belga Lotte Kopecky (Lotto Soudal) que foi a máis rápida no sprint en liña de meta.


O Aleata-Farto feminino debuta en competición tomando parte na Volta a Valencia





O equipo galego Aleata – Farto fará o seu debut histórico en competición tomando parte o domingo 10 de febreiro na Volta a Valencia, proba valedoira na UCI Women´s Team. O cadro profesional pontevedrés contará na súa primeira participación na máxima categoría do ciclismo en ruta, coas ciclistas Raquel Gisbert, Natalia Hortas, Katiuska García, Yamila Palacios, Diana Pedrosa e Jenyffer Pontes. Andrea Tomei, Ester Rubio e Cristina Bru parten como reservas.


O equipo galego Aleata Farto feminino debutará na Volta a Valencia





O equipo Aleata – Farto xa ten seleccionadas ás ciclistas que participarán na primeira competición do ano, será o 10 de febreiro na Volta a Valencia.

As 6 elixidas serán: Raquel Gisbert, Natalia Huertas, Katiuska García, Yamila Palacios, Diana Pedrosa e Jenyffer Puentes. Haberá 3 ciclistas de reserva: Andrea Tomé, Ester Rubio e Cristina Bru.

O equipo ademais o pasado mes de decembro estreo a súa páxina web: www.clubciclistafarto.es onde se irán subindo periodicamente noticias e datos sobre as corredoras.


Rus (Valencia) gaña en Boiro, Angulo (Rías Baixas) protesta e Vega (Froiz) sigue lider na Volta a Galicia





Moi disputada a terceira etapa da Volta a Galicia. Custou case 30 quilómetros que se formase o primeiro corte serio, protagonista durante a primeira metade da xornada. Un total de 12 corredores aos que se sumaron outros catro posteriormente chegaron a rodar con 1 minuto e medio.

Algúns nomes presentes na escapada eran Miguel Gomez (Froiz), Nanclares e Venter (Cortizo- Anova), Cristian Cuervo (Rias Baixas), Fernando Lopes (Guerciotti), Javier Fernández (Oviedo), Bennassar (Polartec- Kometa), Raul Gonzalez e Mercadal (Aldro), Jacobo Rodriguez Ucha (Maia) e Joan Nicolau (Tenerife).