Carretera Ruta

Angulo (Rias Baixas) gaña en Sanxenxo e Vega (Froiz) ponse lider da Volta





O conxunto galego do Rías Baixas logrou en Sanxenxo a súa primeira vitoria na Volta a Galicia co triunfo de Antonio Angulo. O ciclista cántabro foi o máis rápido entre o grupo de apenas quince corredores que sobreviviron ao porto da Escusa, unha primeira categoría que se cobrou ao líder da carreira, unha camisola amarela “Xunta de Galicia” que segue en poder do Froiz, aínda que agora en mans do Campión de España Sergio Vega.


O Froiz gaña a crono de Verin e coloca a Oscar Brea como lider da Volta a Galicia





O Grupo Deportivo  Super  Froiz impúxose na contrareloj inicial en Verín da Volta Ciclista a Galicia. Óscar González Brea é o primeiro en vestir a camisola amarela “Xunta de Galicia” de líder. O exprofesional da Estrada encabezou a formación pontevedresa no momento de cruzar a meta onde sentenciaron a etapa cun rexistro de 11 minutos e 33 segundos, o mellor tempo da xornada. Os homes de Evaristo Portela realizaron unha media superior ao 51 km/ h que mellorou en 12 segundos ao  Lizarte navarro, segundo clasificado co galego Martín Bouzas á fronte.


A Volta a Galicia comeza en Verín coa crono por equipos





A localidade ourensá de Verín será escenario do arranque da 17 Volta Ciclista a Galicia que tocará territorio das catro provincias galegos noutras tantas etapas. Como vén sendo habitual nas últimas edicións, a xornada inaugural será unha  contrareloxo por equipos de apenas 10 quilómetros que a pesar do seu perfil netamente chá esixirá máxima concentración aos ciclistas á hora de axustarse e sortear as complicacións técnicas do trazado.


Presentouse a etapa de Boiro, clave para a Volta Ciclista a Galicia





O Concello de Boiro acolleu este luns a presentación da etapa da Volta Ciclista a Galicia que sairá e finalizará en Boiro o vindeiro sábado día 22 de setembro. Na comparecencia participaron o Alcalde de Boiro, Juan José Dieste e o presidente da Federación Galega de Ciclismo, Juan Carlos Muñiz.


Davila esperta o sorriso da imaxe oficial da Volta Ciclista a Galicia





O debuxante Luís Davila foi o encargado de realizar a imaxe central da Volta Ciclista a Galicia 2018. Davila elixiu unha escena dun ciclista que tras pasar pola casa da nai, retoma a carreira cunha particular dose de avituallamiento para non quedar con fame.

Tema: 

Sanxenxo desvelou os detalles da segunda etapa da Volta a Galicia





O concelleiro de deportes de Sanxenxo, Jesús Sueiro e o presidente da Federación Galega de Ciclismo, Juan Carlos Muñiz, presentaron fronte á  Madama de  Silgar os pormenores da 2ª etapa da Volta Ciclista a Galicia 2018 que chegará ás Rías Baixas o vindeiro venres 21 de setembro. Sanxenxo estará ese día ocupado pola Volta co obxectivo, segundo os seus organizadores, de que veciños e afeccionados poidan achegarse e compartir a experiencia cos ciclistas.


O Trofeo Cidade de Pontevedra de élite e sub 23 é unha antesala da Volta a Galicia





Presentouse en Pontevedra a segunda edición do Trofeo  Cidade de Pontevedra – Memorial Rogelio Acuña que organizan o Supermercados  Froiz e a Federación Galega de Ciclismo co patrocinio do  Concello de Pontevedra. A presentación correu a cargo da responsable de deportes de Pontevedra,  Anxos  Riveiro que estivo acompañada pola directiva do Grupo Deportivo Supermercados  Froiz, Ana Portela e o Director Técnico da Federación Galega de Ciclismo, Guillermo Sande.


Óscar González (Froiz) gaña en Cantabria a súa segunda volta por etapas da tempada





O ciclista estradense Óscar González ( Froiz) proclamouse vencedor da Volta a Cantabria 2018 que concluia en Maliaño despois de tres xornadas de competición. O exprofesional galego foi segundo clasificado na liña de meta da última etapa. González cruzou a liña de chegada no mesmo tempo que o gañador, o xaponés Shoi Matsuda tras protagonizar a escapada boa do día na última ascensión ao alto do Churi.


Concello de Verín e FGC preparan a primeira etapa da Volta a Galicia





A Federación Galega de Ciclismo está a ultimar os preparativos para a celebración da Volta Ciclista a Galicia 2018. Por ese motivo o presidente federativo Juan Carlos Muñiz e o director da Volta, Guillermo Sande, mantiveron unha reunión con Gerardo Seoane, o Alcalde de Verín onde terá lugar a primeira etapa da gran rolda galega. Na reunión tratáronse aspectos relativos á coordinación de seguridade da proba, unha contrareloj por equipos que obrigará a pechar durante máis de tres horas un trazado de dez quilómetros que cruzará o centro da cidade.

Tema: 

O galego Iñigo Rodríguez (Aldro) estrea o seu palmarés na Volta a Salamanca





O galego Iñigo Rodríguez ( Aldro  Team) estreo o seu palmarés de vitorias no ano do seu debut como  sub 23 ao impoñerse no sprint da cuarta e última etapa da Volta a  Salamanca. O ciclista vigués foi o vencedor da etapa que finalizou na rúa María  Auxiliadora da capital salmantina tras completar 105 quilómetros de percorrido entre Santa Marta e Salamanca.