Ciclismo adaptado

A Copa de España de Ciclismo Adaptado pechouse co título de Iván Montero e dobre triunfo por equipos do Riazor





Acumulando éxitos o Club Ciclista Riazor baixou o pano da Copa de España de Ciclismo Adaptado. As localidades murcianas de Mazarrón e Puerto Lumbreras acolleron esta fin de semana as dúas últimas probas puntuables do certame estatal. Unha dobre xornada na que os paraciclistas da formación coruñesa sumaron seis triunfos individuais e dous por equipos. 

Iván Montero chegaba co título en MH5 practicamente no peto e certificouno no primeiro intento. Impúxose o sábado en Mazarrón e repetiu primeiro posto o domingo en Puerto Lumbreras. 


Triunfo parcial para Luis Árcega e Mila López sentenza a Copa de España de Ciclismo Adaptado en Cheste





A falta de dúas probas puntuables para o remate da Copa de España de Ciclismo Adaptado, Mila López xa ten no peto o título na categoría WH4. A baionesa do Club Ciclista Riazor sentenzou esta fin de semana a xeral da súa categoría vencendo no Circuito de Cheste (Valencia), onde o seu compañeiro de equipo Luis Árcega logrou a vitoria na carreira MC3. 


O Riazor sitúase líder por equipos da Copa de España de ciclismo adaptado





Segunda vitoria consecutiva e liderado na xeral por equipos para o Club Ciclista Riazor na Copa de España de ciclismo adaptado. O conxunto coruñés repetiu esta fin de semana no Valle de Trápaga (Biscaia) o histórico éxito acadado dúas semanas antes en Orihuela (Alacante). Empurrados polos triunfos individuais de Iván Montero e Mila López, os galegos sitúanse no máis alto do ranking por escuadras a falta de tres citas para o remate da temporada. 


Triunfo histórico por equipos do Riazor na Copa de España de Ciclismo Adaptado en Orihuela





O proxecto de ciclismo adaptado do Club Ciclista Riazor fixo historia esta fin de semana na Copa de España celebrada na localidade alacantina de Orihuela. O conxunto coruñés conseguiu a súa primeira vitoria na clasificación por equipos do certame estatal, situando a catro corredores nos postos de podio. 


Segundo posto para o Club Ciclista Riazor na Copa de España de Badajoz





Despois do seu paso por Viveiro a Copa de España de Ciclismo Adaptado 2019 reanudouse este sábado en Badajoz coa súa cuarta proba puntuable. A beiras do Guadiana o Club Ciclista Riazor acadou catro medallas, rematou segundo por equipos e mantivo o liderado nas dúas clasificacións que encabezan os seus handbikers.

Mila López encabezou a actuación da estrutura coruñesa impoñéndose na competición WH4. Deste xeito, a handbiker de Baiona reforzou a súa primeira posición na xeral da Copa. 


Triplo éxito de Mila López e bronces de Iván Montero, Angel López e Luís Arceaga na Paracycling Bira





A Paracycling Bizkaiko Bira regresou ao calendario internacional como proba valedoira para a Copa de Europa e cos representantes galegos acumulando medallas nas estradas biscaíñas.

Mila López (Club Ciclista Riazor), na categoría WH4, fixo dobrete e adxudicouse a clasificación xeral. A baionesa impúxose na carreira en liña do sábado e na contra o reloxo individual do domingo. 


Gran xornada de ciclismo adaptado en Viveiro, escenario da 3ª proba da Copa de España





A localidade lucense de Viveiro acolleu esta fin de semana a terceira cita da Copa de España de Ciclismo Adaptado; un evento que, a diferenza do habitual, dispuxo para os participantes un precioso e esixente percorrido en liña de 30 quilómetros, en lugar dun circuíto de menor quilometraxe.

Os galegos foron os grandes dominadores deste evento. Ángel Plácido López (Inclusivo Enki) levaría a vitoria na clase MH1; en MH2 os dous primeiros postos ocupáronos integrantes do Riazor, Juan Ramón Permuy, secundado por Alejandro Ferradas.


Mila López sitúase líder na Copa de España de Ciclismo adaptado





A localidade almeriense de Cuevas de Almanzora foi o escenario no que a pasada fin de semana levouse a cabo a segunda proba da Copa de España de Ciclismo Adaptado de estrada; unha cita que contou cunha gran participación tanto de público como de afeccionados, e na que Galicia estaba representada polos ciclistas Iván Montero MH5 e Mila López WH4, ambos do Club Ciclista Riazor.


Mila López e Iván Manoel Montero brillan na Extremadura European Paracycling Cup





Vestindo as cores do C.C. Riazor dous paraciclistas galegos acumularon éxitos na Extremadura European Paracycling Cup, evento de categoría C1 do calendario da Unión Ciclista Internacional (UCI). Mila López sumou dous triunfos na categoría WH4 e Iván Manoel Montero rematou dúas veces segundo nesta competición internacional celebrada a pasada fin de semana en Cáceres. 

O sábado disputouse a proba en ruta nun circuíto de 11,6 quilómetros, mentres que o domingo o trazado da contrarreloxo individual tiña unha lonxitude de 10,2 quilómetros.