Ciclocross

Vídeo: Resumo do Campionato de Galicia de Ciclocrós 2019





Fai click nesta ligazón para ver o resumo emitido pola TVG2 do Campionato de Galicia de Ciclocrós 2019 celebrado no Porriño.


Iván Feijoo, top-10 na Copa do Mundo de Nommay





O alaricano Iván Feijoo (Nesta-Skoda Alecar) asinou o seu primeiro top-10 como sub-23 nunha proba da Copa do Mundo este domingo en Nommay (Francia). Unha semana despois de revalidar o seu título de campión de España, o ourensán sufriu unha caída nos compases iniciais e protagonizou unha espectacular remonta que o levou ata a décima posición final.


Os 10 nomes propios elite e sub-23 do Campionato de España de Ciclocrós en Pontevedra





FELIPE ORTS

(Villajoyosa, 1995)

O vixente campión elite chega a Pontevedra tras facer historia no ciclocrós estatal. Por primeira vez un corredor español aparece no Top-10 do ranking da UCI. O seu rendemento esta temporada, e nos últimos anos, sitúa ao alacantino do Teika como o gran favorito ao título.


Maceda pechou a Copa Galicia de Ciclocrós con vitoria de Iván Feijoo e triunfo na xeral de Saúl López





Os mellores especialistas autonómicos brillaron este domingo no último test previo ao Campionato de España que a vindeira fin de semana se celebrará en Pontevedra. Os sub-23 Iván Feijoo (Nesta) e Irene Trabazo (XSM) venceron en Maceda nas carreiras raíñas da derradeira cita puntuable para a Copa Galicia. O outro gran triunfador foi Saúl López, que defendeu con éxito o maillot de líder elite na proba organizada polo seu club.


Iván Feijoo: “En Pontevedra agardo unha carreira táctica”





O corredor alaricano do Nesta – Skoda Alecar buscará revalidar no Campionato de España a coroa sub-23 que conquistou o pasado ano no circuíto da Illa das Esculturas.

- ¿Que recordo lle quedou do seu triunfo hai un ano na competición sub-23?

-Sobre todo, a cantidade de público que había. Sabía que o circuíto se me ía dar ben e ao final foi unha dura batalla con Jofre Cullell. Puiden facerme co título en Pontevedra, en Galicia, e quedei moi contento.


Saúl López supera a Carlos Canal en Verín e recupera o maillot de líder da Copa Galicia de Ciclocrós





Un representante do club anfitrión defenderá a camisola de líder elite este domingo en Maceda no peche da Copa Galicia de Ciclocrós. Saúl López venceu este sábado en Verín e desbancou do primeiro posto da xeral a Daniel López (Cambre). O monfortino ergueu os brazos na primeira das dúas citas desta fin de semana na provincia de Ourense tras bater ao sub-23 Carlos Canal (Burgos BH) nun axustado final. 


Pascual Momparler: “Hai moita xente que se vai xogar a praza para o Mundial en Pontevedra”





Na primeira fin de semana do mes de febreiro a localidade suíza de Dübendorf acollerá o Mundial de Ciclocrós 2020. A lista que vai representar a España en terras helvéticas terminarase de perfilar en Pontevedra, onde o seleccionador Pascual Momparler seguirá in situ todas as carreiras o 11 e o 12 de xaneiro.


Revista oficial do Campionato de España de Ciclocrós 2020





A Revista Oficial do Campionato de España 2020 que se celebrará en Pontevedra xa se pode descargar a través do documento que se adxunta nesta publicación.

Nas súas páxinas interactivas pódense atopar as ligazóns a cada unha das carreiras no Programa, do mesmo xeito reservar praza de aparcamento e acreditarse para a sala de prensa no croquis con sinais da Illa das Esculturas, así como inscribirse na Carreira da Inclusión (páx. 4) e na Carreira de Promoción (páx.14).