O Boletín Oficial da Provincia de Ourense,  nº 289  do pasado  mércores 18 de decembro, publica  a Convocatoria  de subvencións a deportistas ourensáns cualificados en modalidades deportivas individuais durante a temporada deportiva 2018-2019.

O prazo de presentación de solicitudes finaliza o vindeiro 15 de xaneiro de 2020 e a dotación económica establecida total ascende a 30.000 euros.

Pontevedra é un ano máis a capital do ciclocrós estatal. Despois de celebrarse o 1 de decembro a quinta xornada da Copa de España, a Illa das Esculturas acollerá en xaneiro o Campionato de España por segunda temporada consecutiva. Para festexar esta inesquecible dobre cita, Ottobosley confeccionou unha prenda especial. 

O edificio da Casa do Deporte en Vigo non abrirá as súas portas durante as festas de Nadal e por ese motivo a oficina da Federación Galega de Ciclismo permanecerá pechada os días 24 e 31 de decembro. 

Na conta atrás para o Campionato de España de Ciclocrós, que se celebrará en Pontevedra o 11 e o 12 de xaneiro, Iván Feijoo mide o seu estado de forma competindo xunto aos mellores especialistas do mundo. O vixente campión estatal sub-23 goza do Nadal enchéndose de barro en Bélxica e Francia. Catro probas en oito días son o seu menú para estas festas. 

Por mor das adversas condicións climatolóxicas, adíase a celebración da XIII Carreira Ciclista do Pavo que ía ter lugar este sábado no concello coruñés de Ames.

As adversas condicións climatolóxicas que están afectando a Galicia obrigan a aprazar as dúas últimas citas puntuables da copa autonómica de ciclocrós previstas para esta fin de semana. A primeira edición do Ciclocrós Vila de Verín, programada para este sábado, e a duodécima do Ciclocrós Castelo de Maceda, para este domingo, celebraranse finalmente o 4 e o 5 de xaneiro, respectivamente.