Avisos

Páxina web oficial da XVI Volta a Galicia





Xa está dispoñible a páxina web oficial da XVI Volta Ciclista a Galicia: www.voltagalicia.com

Accede a través deste portal a toda a información sobre as etapas, os equipos e repasa o acontecido na última edición da gran rolda da nosa comunidade, que neste 2017 homenaxea a Óscar Pereiro. 

Tema: 

O calendario de Mini BTT remata este sábado en Cambre





Debido á cancelación do I Mini BTT CDM Xesteiras-Cuntis o día 10 de setembro, Cambre acollerá a última proba de Mini BTT da temporada o próximo sábado, 2 de setembro, coa celebración do XVII G.P. Mini BTT Concello de Cambre, no Campo de Fútbol Dani Mallo a partir das 16.00 horas. 

Tema: 

Convenio da Federación Galega de Ciclismo e Fisioterapia Cian





A Federación Galega de Ciclismo (FGC) e a clínica Fisioterapia Cian alcanzaron un acordo para que os federados que presenten o carnet acreditativo gocen dun desconto do 20% sobre a tarifa habitual deste centro.

As instalacións desta clínica sitúanse na cidade de Lugo, na praza Augas Férreas, nº8, baixo. Os teléfonos de cita previa son: 982 801 909 / 604 009 912
Máis información na súa web www.fisioterapiacian.com

Tema: 

Repulsa polos atentados en Catalunya e minuto de silencio durante esta fin de semana nos eventos do ciclismo galego





Desde a Federación Galega de Ciclismo queremos condenar de forma enérxica os atentados acontecidos durante as últimas horas en Catalunya e manifestar a nosa solidariedade coas vítimas e cos seus familiares e amigos, así como desexerlle unha rápida recuperación a todos os feridos.

Para rendirlle a humilde homenaxe do ciclismo galego, gardarase un minuto de silencio en todos os eventos que se celebren durante esta fin de semana na nosa comunidade. 

Tema: 

Cancelación do Trofeo Concello de Coristanco





O Club Ciclista Carballo informa de que "por motivos alleos ó Club Ciclista Carballo cancélase a proba calendada para o próximo día 09 de Setembro de 2017 denominada Trofeo Concello de Coristanco. Dende a directiva do Club Ciclista Carballo lamentamos as molestias ocasionadas e pedimos desculpas".

Tema: 

Galicia contará con doce Rutas Ciclistas Protexidas





Esta mañá presentouse en Madrid o mapa de Rutas Ciclistas Protexidas, unha das medidas incluidas dentro do Plan de Actuación da DXT para a protección deste colectivo. En Galicia doce rutas, tres por cada provincia, recibirán este tratamento despois do traballo conxunto levado a cabo durante os últimos meses pola Federación Galega de Ciclismo, a Secretaría Xeral de Infraestruturas da Xunta de Galicia, a DXT e a Garda Civil.

Tema: 

Subvencións dirixidas a asociacións e clubs deportivos sen ánimo de lucro da Deputación de Pontevedra





Concesión de axudas e subvencións públicas destinadas a promover, fomentar e impulsar as actividades deportivas, segundo os principios de obxectividade, concorrencia competitiva, publicidade e transparencia

O prazo para a presentación de solicitudes será de 20 días hábiles, contados a partir do día seguinte ao da publicación do extracto da convocatoria no BOPPO

Tema: 

Faleceu a nai de Juan Carlos Muñiz Nieto





A Federación Galega de Ciclismo transmítelle as súas máis profundas condolencias ao noso presidente Juan Carlos Muñiz Nieto e a toda a súa familia tras o falecemento nas últimas horas da súa nai Leonor Nieto López, aos 70 anos de idade. 

O seu corpo descansa na sala A do Tanatorio de Poio, que abandonará na tarde deste mércores ás 19:00 horas para a celebración do seu funeral na igresa San Xoán de Poio e do seu enterro no cemiterio de Combarro. 

 

Descanse en Paz 

Tema: 

Resolución das subvencións ás entidades deportivas





Púxose a disposición dos interesados na páxina web da Secretaría Xeral para o Deporte, a Resolución enviada ao Diario Oficial de Galicia para a súa publicación coa listaxe definitiva das subvencións a entidades deportivas convocadas pola Resolución do 25 de novembro de 2016.

Tema: