Eventos

Vídeo da Gala do Ciclismo Galego 2019





Fai click nesta ligazón para ver o resumo da Gala do Ciclismo Galego 2019 emitido pola TVG2

 

Tema: 

Pontevedra, Iván Feijoo e Discamino, grandes protagonistas na Gala do Ciclismo Galego





O ciclismo autonómico escenificou o pasado sábado no Teatro Principal de Pontevedra os éxitos dunha temporada para o recordo. A Federación Galega de Ciclismo (FGC) celebrou a súa Gala anual entregando preto de 150 galardóns polos resultados obtidos no 2019 e no arranque do 2020. A nómina de homenaxeados completouse coas oito Mencións Especiais outorgadas a figuras deste deporte e a entidades especialmente comprometidas co mundo da bicicleta.

Tema: 

O ciclismo galego celebra este sábado a súa Gala anual no Teatro Principal de Pontevedra





Un mes e medio despois de acoller o Campionato de España de Ciclocrós, Pontevedra volve ser o punto de encontro dos amantes da bicicleta. O Teatro Principal da cidade do Lérez subirá o seu pano este sábado, a partir das 19:30 horas, para celebrar a Gala anual que organiza a Federación Galega de Ciclismo (FGC). Un acto no que se festexarán os históricos resultados asinados polos corredores autonómicos durante a última temporada e no que tamén se homenaxearán brillantes traxectorias.

Tema: 

Vintecatro premiados na Gala do Ciclismo Galego polos seus resultados nos Opens e nas Copas de España





Os Opens e as Copas de España contaron no 2019 cunha sobranceira presenza de ciclistas galegos nos seus podios finais. Os vintecatro representantes da nosa terra clasificados entre os tres primeiros nas xerais destes certames recibirán un recoñecemento na Gala do Ciclismo Galego, que se celebra este sábado (19:30 horas) no Teatro Principal de Pontevedra. 

Tema: 

A Gala do Ciclismo Galego festexará unha histórica colleita de medallas nos Campionatos de España





O ano 2019 e o inicio do 2020 poden catalogarse de históricos paras os ciclistas galegos pola cifra de medallas acadada nos Campionatos de España. Os nosos representantes obtiveron 58 postos de podio, un excelente balance que será festexado este sábado a partir das 19:30 horas no Teatro Principal de Pontevedra durante a celebración da Gala do Ciclismo Galego.

Tema: 

Os gañadores dos Rankings FGC serán galardoados o 29 de febreiro na Gala do Ciclismo Galego





Na súa gran festa anual o ciclismo galego coroará aos mellores nas probas do calendario autonómico durante 2019. Máis de 60 corredores recibirán o seu recoñecemento como vencedores dos Rankings da Federación Galega de Ciclismo (FGC) na Gala que se celebrará no Teatro Principal de Pontevedra o sábado 29 de febreiro a partir das 19:30 horas. 

Tema: 

Entrada libre á Gala do Ciclismo Galego: imprescindible confirmar asistencia antes do 25 de febreiro





O Teatro Principal de Pontevedra acollerá o vindeiro 29 de febreiro a Gala do Ciclismo Galego organizada pola Federación Galega de Ciclismo en colaboración coa Concellería de Deportes, Actividade Física e Saúde do Concello de Pontevedra. A entrada a este evento é libre, pero é imprescindible confirmar asistencia antes do martes 25 de febreiro. Este trámite pódese facer poñéndose en contacto co teléfono 629 830 057 ou escribindo un correo electrónico a protocolo@fgalegaciclismo.es

Tema: 

O Teatro Principal de Pontevedra acollerá o vindeiro sábado 29 de febreiro a Gala do Ciclismo Galego





O Teatro Principal de Pontevedra converterase o vindeiro 29 de febreiro en escenario da Gala do Ciclismo Galego organizada pola Federación Galega de Ciclismo en colaboración coa Concellería de Deportes, Actividade Física e Saúde, que dirixe o socialista Tino Fernández. O evento, que dará comezo ás 19.30 horas e que estará conducido polo coñecido presentador Terio Carrera, ten a finalidade de recoñecer e galardoar aos ciclistas da nosa comunidade autónoma que protagonizaron os fitos deportivos máis destacados ao longo de 2019.

Tema: 

Pontevedra bate o récord de participación nun Campionato de España de Ciclocrós





A cidade de Pontevedra acollerá esta fin de semana por segundo ano consecutivo o Campionato de España de Ciclocrós e o dato de participación non so superará ao do 2019, senón que é a cifra máis alta na historia da gran cita estatal desta modalidade. No circuíto da Illa das Esculturas rodará preto dun milleiro de corredores.

Tema: 

María Formoso: "A Illa das Esculturas non é simplemente un bonito escenario para o Campionato de España"





María Formoso é a técnica de Medio Ambiente do Concello de Pontevedra que segue de maneira atenta o estado da Illa do Cobo ou Illa das Esculturas na que terá lugar o próximo Campionato de España de ciclocrós.

“Trátase dun espazo moi delicado que xa se atopa degradado tras a celebración hai un mes doutra competición (a Copa de España) e por iso non se tocou á espera de que conclúa este Campionato”.

Tema: