Federación

Co obxectivo de unificar a imaxe corporativa das competicións da Federación Galega de Ciclismo (FGC), todos os circuítos puntuables adoptan este ano a denominación de Copa Galicia, ao igual que se viña facendo nas disciplinas de Ciclocross e Estrada. O antigo Open de Galicia pasa a chamarse Copa Galicia BTT.  Unha das novidades no deseño dos logotipos é a cor amarela da Copa Galicia de Estrada. 

Os integrantes da Asociación DisCamino serán a partir de agora máis visibles nas estradas. A Federación Galega de Ciclismo encargouse de entregarlles os chalecos reflectantes da campaña #eufágomever #eusonciclista, a iniciativa impulsada polo ente autonómico en colaboración coa Consellería de Infraestruturas da Xunta de Galicia, a Delegación do Goberno, a Garda Civil de Tráfico de Galicia e a Dirección Xeral de Tráfico (DGT). 

A Federación Galega de Ciclismo celebrou o pasado sábado a Asemblea Xeral Ordinaria. A sesión comezou coa aprobación das actas de reunións anteriores, procedendo seguidamente á aprobación da xestión do Presidente do ano 2017. A continuación, procedeuse á exposición do Orzamento, Obrigacións Financeiras e Calendario Deportivo 2018 quedando todos os puntos aprobados pola Asemblea.

O deputado responsable da área de Deportes da Deputación da Coruña, José García Liñares, asinou  un convenio de colaboración co presidente da Federación Galega de Ciclismo, Juan Carlos Muñiz Nieto, mediante o cal a institución provincial destina 86.500 euros para financiar actividades de promoción do ciclismo na provincia.

A subvención provincial supón preto do 80% dos gastos anuais da federación para este tipo de actividades, que inclúen a Volta Ciclista á Provincia da Coruña, o Open Deputación da Coruña de BTT ou o Circuíto de Ruta.