O RC Celta lanza CeltaLab1923 cun relatorio este mércores sobre a transformación dixital no ciclismo





Tema: 

Nos últimos anos o deporte viviu unha profunda revolución debido aos avances tecnolóxicos. Para abordar esta transformación dixital o RC Celta lanza CeltaLab1923, un ‘HUB’ de innovación formado por unha serie de ‘actores’ que achegarán valor a este gran cambio no mundo do deporte: empresas, startups, institucións, asociacións, federacións e deportistas de primeiro nivel.

Unha das primeiras actividades que desenvolverá CeltaLab1923 é o ciclo de eventos ‘Sportech’, unha serie de charlas nas que se abordará esta metamorfose. O primeiro evento analizará as últimas novidades do mundo do ciclismo e terá lugar este mércores 16 de outubro ás 17.00 horas no Salón Rexio da Sede.

Óscar Pereiro, vencedor do Tour de Francia 2006; e José Torrego, creador de ‘A Guía do Ciclismo’; analizarán o chamado dóping tecnolóxico e a revolución que vive o ciclismo na actualidade. Ademais, as startups que están a cambiar este deporte (Magma, Adnciclista e Umana) compartirán as súas diferentes visións respecto diso. Por último, Maruxa Magdalena, directora de Márketing do RC Celta; e Lalo García, socio HubIN & Diessemm presentarán o proxecto CeltaLab1923.

Os federados poden realizar a reserva de entradas de forma gratuíta facendo click nesta ligazón e utilizando o seguinte código desconto: FGC