Probas Deportivas

O Club Ciclista Riazor imponse na primeira proba da Copa de España de Ciclismo Adaptado





A defensa do título por equipos acadado o ano pasado polo Club Ciclista Riazor na Copa de España de Ciclismo Adaptado comezou do mellor xeito posible. O conxunto coruñés impúxose na cita inaugural do certame estatal celebrada esta fin de semana en Badajoz. Os seus representantes lograron dous triunfos e dous terceros postos no circuíto urbano de 5,5 quilómetros polas rúas da cidade pacense. 


O Open de España de Descenso arrancou en Sant Andreu con catro podios galegos





Cita de nivel para abrir o Open de España DHI 2020. O Descenso Sant Andreu de la Barca RockShox Gran Premi Diputació de Barcelona, proba de categoría UCI C1, reuniu a 260 partipantes o pasado domingo na súa XXVII edición. Os tres riders galegos que triunfaron nos seus rankings o ano pasado comezaron a temporada pisando o caixón e a este trío uniuse unha corredora que decidiu regresar á competición.


O Vigo-Rías Baixas mantivo no Trofeo Guerrita o liderado por equipos da Copa de España Elite e Sub-23





Os catro conxuntos galegos que están participando na Copa de España Elite e Sub-23 disputaron este domingo o Trofeo Guerrita na localidade murciana de Alcantarilla. O Vigo-Rías Baixas volveu ser a formación autonómica máis destacada nesta segunda xornada do certame estatal. Conservou o liderado por equipos, pero non puido manter o primeiro posto na xeral individual. 


A Copa Galicia Enduro abriuse con dominio de Marco Veiga e récord de participación na Picaraña





Un especialista no Descenso comeza mandando na Copa Galicia Enduro. O elite Marco Veiga (CiclosQuintena)  anotouse o triunfo este domingo en Ponteareas na apertura do puxante certame autonómico. A proba organizada pola ADC Picaraña bateu o seu récord de participación con 256 inscritos. 


Vitoria e liderado para Anxo Lorenzo na Transgalaica de Ames





Preto de 400 participantes tomaron a saída na mañá deste domingo no Concello de Ames para a disputa da segunda proba puntuable para a Transgalaica2020. Se na proba de Cotobade o resultado de Anxo Lorenzo (Louriña Cycling Team) puido supoñer unha sorpresa, o seu triunfo de hoxe non fai máis que corroborar que é un dos ciclistas máis en forma do momento.


Un regreso agardado: Volve a Copa Galicia Maratón





Noticia desexada polos amantes dos desafíos. Despois dun ano de paréntese, a Copa Galicia Maratón está de volta no 2020. Regresa o certame autonómico do XCM cun calendario concentrado nas últimas semanas da primavera. Das tres citas puntuables, dúas estreánse a nivel competitivo. 


Delio Fernández comezou a temporada rematando entre os dez primeiros da xeral no Tour de Taiwán





Inicio exótico de calendario para Delio Fernández. O ciclista moañés do Nippo Delko One Provence abriu a súa temporada disputando o Tour de Taiwán e nesta proba por etapas do UCI Asia Tour conseguiu a novena posición na clasificación xeral final


A Copa Galicia de Enduro chega con máis probas e categorías que nunca





Comezan as Copas Galicia 2020 e a de Enduro faino superándose a si mesma. Co calendario máis amplo da súa historia, este certame contará por primeira vez con dúas citas puntuables para o Open de España e estrea categorías. O pistoletazo de saída darase este domingo en Ponteareas.

A cifra de eventos case se duplica respecto ao ano pasado: de catro pasa a sete. Serán máis de tres meses de competición que arrancan esta fin de semana co Enduro ADC Picaraña e antes de que remate marzo chegará a quenda da Baixomiño Enduro Experience.


Moreira dálle a vitoria ao Vigo-Rías Baixas na primeira cita da Copa de España Elite e Sub-23





O uruguaio Mauricio Moreira (Vigo-Rías Baixas) coroouse en Don Benito (Badaxoz) campión do Circuito Guadiana 2020, primeira proba da Copa de España Elite e Sub-23. A carreira estremeña, de 171,4 quilómetros, volveu decidirse no alto de Magacela, que se subiu ata en catro ocasiones e que, na última ascensión, tornouse decisivo para o desenlace da carreira.


Catro equipos galegos rodan desde este domingo no pelotón da Copa de España Elite e Sub-23





O Circuito Guadiana dá este domingo o bandeirazo de saída á Copa de España Elite e Sub-23 masculina de Estrada. Unha quinta parte dos 20 equipos oficiais que compoñen o pelotón do certame máis prestixioso do campo amateur español son galegos. Supermercados Froiz, Vigo-Rías Baixas, Alumios Cortizo e Gsport-Velofutur participarán nas once xornadas puntuables dun calendario que rematará o 9 de maio en Padrón.