Probas Deportivas

Carlos Canal bautízase como profesional esta fin de semana en Francia





O ciclismo galego aumentará a súa nómina de ciclistas profesionais de estrada durante esta fin de semana en Francia. Carlos Canal entrou na aliñación do Burgos BH para dúas clásicas pertencentes ao calendario das UCI ProSeries. Aos seus 18 anos, o de Xinzo de Limia disputará o sábado a Faun-Ardèche Classic e o domingo descubrirá a Royal Bernard Drôme Classic.


Tres galegos subiron ao podio na apertura do Open de España de Enduro





O Open de España máis madrugador deste 2020 púxose en marcha este domingo. A localidade abulense de La Adrada acolleu a primeira cita puntuable para o certame estatal de Enduro. A máster-30 Fany Cabarcos (Rocasport Giant) e os juniors Ismael Romero (Pontebike) e Manuel Loureiro (Coruxo), segundo e terceiro respectivamente, colleitaron tres podios para a delegación galega, que ademais asinou outros oito postos de Top-10. 


Cumpríronse os prognósticos no arranque da Transgalaica en Cotobade





Carballedo (Cerdedo-Cotobade) acolleu nunha calorosa mañá a saída da primeira proba da Transgalaica2020. Con 450 rexistrados, foron 301 os que conseguiron completar o percorrido no tempo marcado pola organización. A pesar do duro inverno que levamos o circuíto atopábase en óptimas condicións.


Calendarios de Estrada e BTT para o 2020





A Federación Galega de Ciclismo xa conta con calendarios definitivos de Estrada e BTT para a temporada 2020 despois de ser aprobados por unanimidade o pasado 7 de decembro na Asemblea Xeral Ordinaria.

A partir de agora, as modificacións ou as probas que se queiran engadir terán que recibir luz verde por parte da Comisión Delegada da FGC. 

Adxuntamos ambos documentos para a súa consulta.


O circuíto Transgalaica 2020 arranca o domingo en Carballedo con máis de 400 participantes





Carballedo reunirá este domingo, 23 de febreiro, a máis de 400 ciclistas na proba inaugural do circuíto de probas de BTT Cross Country Maratón (XCM) Transgalaica 2020. Esta estimación de participación deuse a coñecer este martes na presentación oficial da competición, que tivo lugar na Praza da Chan e que contou coa presenza do concelleiro de Deportes, Bruno Portela; do presidente da Federación Galega de Ciclismo, Juan Carlos Muñiz; e de Javier Sánchez, en representación de Team Relay, entidade organizadora da proba.


Marque e Sánchez rodarán desde este mércores no pelotón da Volta ao Algarve





Con 25 equipos dándose cita na liña de saída, doce deles do World Tour, a Volta ao Algarve ponse en marcha este mércores con dous corredores galegos defendendo as cores de formacións continentais portuguesas: Alejandro Marque (Atum general/Tavira/Maria Nova Hotel) e Ángel Sánchez (Miranda-Mortágua).


Décimo posto para Daniel López, sen equipo, na Prova de Abertura





O calendario portugués de estrada 2020 estreouse este domingo coa Prova de Abertura e nas estradas da rexión de Aveiro houbo unha destacada representación galega. Entre todos os ciclistas da nosa comunidade que tomaron a saída en Albergaria-a-Velha, o mellor clasificado foi Daniel López. O corredor coruñés, que se atopa sen equipo, obtivo a décima posición na liña de meta de Vagos.


Presentación do Aluminios Cortizo en Padrón





O novo proxecto do Club Ciclista Padronés celebrou a súa presentación oficial este venres nun acto no auditorio do Centro Social de Padrón ao que acudiron os corredores de todas as categorías. Daban así o pistoletazo oficialmente a unha nova tempada, que será a número 64ª do club.

O equipo, arroupado polas categorías inferiores e un salón de actos cheo, fixouse expectativas de mellora para este próximo curso co principal obxectivo da Copa de España.


Presentación da Gran Bikedada





Con preto de 700 ciclistas, a sétima edición da Gran Bikedada, prevista para este domingo (9:00 horas, Montero Ríos), repetirá a enorme participación do pasado ano entre Vigo e o encoro das Eiras, tocando os municipios de Redondela, Pazos de Borbén e Fornelos de Montes e voltando a Vigo, segundo anunciou hoxe o alcalde, Abel Caballero, quen definiu a proba como “un evento de extraordinario esforzo e gran capacidade de resistencia”.


Feijoo repite top-10 na última cita da Copa do Mundo





Por segunda fin de semana consecutiva, Iván Feijoo rematou este domingo décimo nunha proba da Copa do Mundo de ciclocrós. Nesta ocasión o sub-23 alaricano do Nesta-Skoda Alecar estivo entre os mellores no circuíto neerlandés de Hoogerheide. Os puntos acadados nesta cita outorgáronlle a vixésima posición no ranking final do certame mundial.