Probas Deportivas

Canal rozou un novo podio internacional en Albstadt





Carlos Canal (Academia Postal-Maceda) continúa relacionándose cos mellores especialistas do mundo na categoría júnior. Quinto no ranking mundial despois das dúas vitorias que leva este curso nas UCI Junior Series, o biker limiao volveu demostrar que se atopa nun sensacional estado de forma na localidade alemá de Albstadt, onde arrincou a Copa do Mundo de Cross Country Olímpico (XCO).


O elite Mediero e o sub23 Feijoo proclámanse campións de Galicia de fondo en estrada na Volta ao Ribeiro





O ciclismo galego ten novos campións de fondo en estrada na súa categoría raíña. O elite Roberto Mediero (Québici-Marcisport) e o sub23 Iván Feijoo (Academia-Postal-Maceda) conquistaron este domingo os maillots autonómicos na localidade ourensá de Cenlle. O ciclista vigués e o alaricano ocuparon a quinta e a sexta plaza, respectivamente, no desenlace da Volta ao Ribeiro que se adxudicou o arxentino Julián Barrientos (Vigo-Rías Baixas).


A Volta o Ribeiro exerce este domingo de Campionato de Galicia Elite e Sub23 de fondo en estrada





Dous días despois de ter competido en As Pontes polos títulos de contra o reloxo individual, os elites e sub23 galegos volverán medir forzas con outras coroas autonómicas en xogo. Este domingo a Volta o Ribeiro - Ourense Provincia Termal exercerá de Campionato de Galicia de Fondo en Estrada 2019. Na liña de saída de Barbantes Estación, no concello de Cenlle, reunirase ás 10:15 horas un pelotón formado por preto de un centenar de corredores. 


Samuel Blanco e María Jesús Barros reinan no Campionato de Galicia CRI en As Pontes





O ciclismo galego estreou en As Pontes o seu calendario de campionatos autonómicos do 2019 repartindo dezaseis títulos na modalidade de contra o reloxo individual. Cun récord de inscritos de 300 corredores, dous ciclistas do sur da provincia de Pontevedra foron os grandes dominadores en territorio coruñés. Samuel Blanco (Vigo-Rías Baixas) e María Jesús Barros (Spol), ambos da categoría Elite, impuxeron a súa lei nun percorrido de 23 quilómetros deseñado polo club organizador As Pontes-Vilalba.


Trescentos ciclistas buscarán este venres os títulos autonómicos de contra o reloxo en As Pontes





O 17 de maio, Día das Letras Galegas, é unha data que tamén significa a celebración do primeiro campionato autonómico de ciclismo do ano. Neste 2019 será As Pontes o escenario da cita na que se porán en xogo os títulos de contra o reloxo individual. Ás 10:00 horas tomará a saída o primeiro dos 300 corredores que rodarán polas estradas desta vila coruñesa. 


Orde de saída do Campionato de Galicia de CRI





Xa se pode consultar a orde de saída no Campionato de Galicia de Contrarreloxo Individual (CRI) que se disputa este venres, 17 de maio, na localidade coruñesa de As Pontes. O primeiro participante porase en marcha ás 10:00 horas e o último en entrar en liza fárao ás 14:25. 


Triple éxito do DHI galego nos rankings finais do Open de España





O Gran Premio DH El Raso – Candelada puxo o punto final o domingo ao Open de España de Descenso 2019 e tres galegos adxudicáronse os maillots de gañadores dos rankings da súa categoría. Uxía Álvarez (Coruxo) impúxose na clasificación cadete feminina, Manuel Pellón (BDM Bike) na máster-30 masculina e Estefanía Cabarcos (BDM Bike) na máster-30 feminina. Ademais, Kevin Méndez (Rocasport) subiu ao podio como terceiro clasificado Sub23 neste evento celebrado na provincia de Ávila. 


A Copa Galicia DHI desvela o seu calendario





O Descenso autonómico tamén terá neste 2019 o seu propio certame. A Copa Galicia DHI constará de tres xornadas que se porán en marcha o 30 de xuño na localidade pontevedresa de Marín co VI DH Kamikazes. 


Carla Fernández ascende á terceira posición júnior da Copa de España





A falta de dúas probas para o final da Copa de España Féminas Cofidis 2019, a viguesa Carla Fernández ocupa a terceira praza na clasificación xeral júnior. A ciclista do Río Miera - Meruela ascendeu unha posición no ránking gracias ao sétimo posto asinado o pasado sábado na  XVIII Balmasedako Emakumeen Saria.


Ouro de Cabarcos, prata de Pellón e bronce de Comesaña no Campionato de Europa DHI





Tres masters galegos experimentaron a sensación de subir a un podio continental no circuíto portugués de Pampilhosa da Serra. No Campionato de Europa de Descenso (DHI), a máster-35 Estefanía Cabarcos (BDM Bike Club) colgouse o ouro, o seu compañeiro de equipo Manuel Pellón conseguiu a prata nos máster-30A e Borja Comesaña (Tres Lunas Race) fíxose co bronce nos máster-30B. Un total de quince representantes da nosa autonomía competiron nun trazado de 2.090 metros de lonxitude.