Probas Deportivas

Vídeo: resumo do Campionato de Galicia de Descenso 2019





Fai click nesta ligazón para ver o vídeo oficial do Campionato de Galicia de Descenso 2019 celebrado en Xunqueira de Espadanedo. 

 

Foto: Suso Lantarou


Aberto o segundo prazo para solicitar probas no Calendario 2020





A Federación Galega de Ciclismo abre un novo prazo para solicitar as probas do calendario autonómico 2020. Este novo período de admisión das solicitudes finaliza o mércores 13 de novembro de 2019.

 

TAXAS

Aínda non lles podemos confirmar os prezos das taxas da tempada do 2020 debido a que será a Asemblea Xeral a que aprobe as Obrigacións Financeiras da próxima tempada, polo que a data de hoxe están en vigor as do 2019.


Cristian Mota regresa ao pelotón elite e sub-23 coas cores do Supermercados Froiz





O Supermercados Froiz anunciou a fichaxe de Cristian Mota, o corredor ponteareán que este ano gozou da súa primeira experiencia como profesional na estrutura portuguesa do Miranda-Mortágua. 


Paula Sanmartín incorpórase ao Bizkaia-Durango





Paula Sanmartín (Vigo, 1997) é a undécima ciclista confirmada no cadro de corredoras do Bizkaia-Durango para a temporada 2020.

A ciclista galega, procedente do equipo Eneicat, conta con dous anos de experiencia en equipos UCI, incluída unha campaña en Italia na que tivo a oportunidade de debutar no UCI Women' s WorldTour, disputando carreiras como a Strade Bianche.

Sanmartín é unha ciclista todoterreo que ofrece boas prestacións en carreiras duras, sen esquecer a contrarreloxo, modalidade na que conseguiu algúns dos seus maiores éxitos. 


A Copa de España de Ciclismo Adaptado pechouse co título de Iván Montero e dobre triunfo por equipos do Riazor





Acumulando éxitos o Club Ciclista Riazor baixou o pano da Copa de España de Ciclismo Adaptado. As localidades murcianas de Mazarrón e Puerto Lumbreras acolleron esta fin de semana as dúas últimas probas puntuables do certame estatal. Unha dobre xornada na que os paraciclistas da formación coruñesa sumaron seis triunfos individuais e dous por equipos. 

Iván Montero chegaba co título en MH5 practicamente no peto e certificouno no primeiro intento. Impúxose o sábado en Mazarrón e repetiu primeiro posto o domingo en Puerto Lumbreras. 


Feijoo estréase na Copa do Mundo rematando entre os 20 primeiros sub-23 en Berna





Coas cores do seu novo equipo Nesta-Skoda Alecar, Iván Feijoo fixo esta fin de semana en Berna a súa primeira aparición da temporada na Copa do Mundo de Ciclocross. O corredor alaricano obtivo a 18ª posición na clasificación sub-23 despois de sufrir unha caída no arranque da proba suíza.


A Copa de España Elite e Sub-23 de estrada rematará en Padrón no 2020





A 58ª Clásica de Pascua porá o punto final á Copa de España Elite e Sub-23 o vindeiro 10 de maio. A proba organizada polo Club Ciclista Padronés é unha das dúas novidades que presenta o certame estatal para o 2020. 

A Comisión Delegada da Real Federación Española de Ciclismo (RFEC) aprobou na súa última reunión o calendario 2020 da Copa de España de Estrada de Mulleres, Júnior, Máster e Elite-Sub23, así como a concesión do Campionato de España Escolar, que se celebrará en Cantabria do 3 ao 5 de xullo.


O Club Ciclista Farto seguirá cos seus equipos feminino e masculino de categoría Elite-Sub23 no 2020





O Club Ciclista Farto continuará cos seus equipos elite e sub-23 na temporada 2020, tanto o feminino como o masculino. A día de hoxe, o club xa asinou a oito e seis ciclistas respectivamente.

O presidente Abel Farto e o mánager Brais Dacal están a traballar estas semanas en asentar as bases do equipo para o ano 2020. As negociacións con provedores de bicicletas e roupa están avanzadas e trabállase en pechar outro patrocinador principal.


Canal dá o salto dende a categoría júnior á profesional para correr no Burgos-BH





O Campión de España de Ciclocrós e XCO en categoría júnior correrá a temporada de barro coas cores do Burgos-BH e disputará tamén as probas de estrada en 2020 e 2021


Jacobo Ucha e Ana Santos repiten na Copa Galicia de Marín





A chuvia chegou á Copa Galicia de Ciclocrós, pero o primeiro barro da temporada non freou este domingo en Marín aos dominadores no arranque do curso. O elite Jacobo Ucha (Québici-Marcisport) e a júnior portuguesa Ana Santos repetiron triunfos na segunda xornada do certame autonómico. Ao igual que unha semana antes en Poio, o Xaxán CX tamén roldou a espectacular cifra dos 400 inscritos.