Probas Deportivas

Triunfo histórico por equipos do Riazor na Copa de España de Ciclismo Adaptado en Orihuela

Luns, 9 de Setembro de 2019



O proxecto de ciclismo adaptado do Club Ciclista Riazor fixo historia esta fin de semana na Copa de España celebrada na localidade alacantina de Orihuela. O conxunto coruñés conseguiu a súa primeira vitoria na clasificación por equipos do certame estatal, situando a catro corredores nos postos de podio. 

Tema: 
Probas Deportivas

Monforte repartiu oito títulos autonómicos de fondo en estrada

Domingo, 8 de Setembro de 2019



No último Campionato de Galicia do calendario de estrada 2019, oito ciclistas conquistaron títulos autonómicos este sábado na localidade lucense de Monforte. A elite María Jesús Barros (Spol), a sub23 Paula Sanmartín (Eneicue), a júnior Carla Fernández (Río Miera), a cadete Claudia García (Redondela Il Piccolo), a máster-30 Ana Gómez (Chinquena), a máster-40 Mónica Alarcón (Arcadecycles), o júnior Miguel Ángel Mera (MMR) e o cadete Rubén Fandiño (Zona Cycling) ergueron os brazos na liña de meta ubicada diante do Colexio dos Escolapios.

Tema: 
Probas Deportivas

Pontevedra volverá acoller o Campionato de España de Ciclocross no 2020

Xoves, 5 de Setembro de 2019



O parque da Illa das Esculturas (Pontevedra) volverá acoller no 2020 o Campionato de España Ciclocross, que se celebrará neste fermoso enclave da cidade do Lérez do 10 ao 12 de xaneiro (venres a domingo), grazas á decidida e firme aposta do Concello de Pontevedra e a Federación Galega de Ciclismo.

Tema: 
Probas Deportivas

Cadetes, juniors e mulleres buscan os títulos autonómicos de estrada este sábado en Monforte

Xoves, 5 de Setembro de 2019



Douscentos corredores daranse cita este sábado en Monforte para pugnar polos títulos autonómicos de estrada que aínda non foron adxudicados neste 2019. Na capital da comarca de Lemos poranse en xogo as coroas cadetes e juniors masculinas, así como as das categorías femininas dende cadetes ata masters. O evento, que arrancará ás 15:00 horas, presentouse este mércores na casa consistorial da cidade do Cabe. 

Tema: 
Probas Deportivas

Clasificación final do Trofeo Asturcántabrogalego 2019

Mércores, 4 de Setembro de 2019



A terceira edición do Trofeo Asturcántabrogalego para ciclistas cadetes estivo dominada por David Gimeno. O representante do Isidiro San Justo foi o corredor que máis puntos sumou despois da celebración das catro probas das que constou este certame: Gran Premio San Roque (Galicia), Gran Premio Santa Ana (Cantabria), Premio Cadete Langreo (Asturias) e Subida Ciclista a la Cueva de la Peña (Asturias). 

Rubén Fandiño, do Zona Cycling, rematou cuarto e situouse como o mellor galego na xeral final. 

Tema: 
Probas Deportivas

Vídeo: resumo do Campionato de Galicia Máster 2019

Martes, 20 de Agosto de 2019



Fai click nesta ligazón para ver o vídeo resumo do Campionato de Galicia Máster de estrada 2019 

 

 

Tema: 
Probas Deportivas

Rubén Fernández e Manuel Prieto báñanse en prata nas probas en liña do Campionato de España Máster

Sábado, 17 de Agosto de 2019



Os Campionatos de España Júnior e Máster de estrada 2019 arrancaron este sábado na localidade asturiana de Grado con dous corredores galegos subindo ao podio. Rubén Fernández (Norinver) logrou a medalla de prata na proba en liña da categoría Máster-40A e o mesmo resultado obtivo o seu compañeiro de equipo Manuel Prieto na carreira máster-60A.

Tema: 
Probas Deportivas

Saúl Martín, Iván Villar e Alfonso Fernández selaron en Boiro os seus títulos da Copa Galicia Máster

Martes, 13 de Agosto de 2019



A segunda edición da Copa Galicia Máster pechouse este domingo en Boiro co IV Trofeo Patrocinador. Na cuarta e definitiva xornada puntuable do certame autonómico os tres corredores que portaban os maillots de líderes defendéronos con éxito. O máster-30 Saúl Martín (Villaviciosa-Mayador), o máster-40 Iván Villar (Villaviciosa-Mayador) e o máster-50 Alfonso Fernández (Orensano) selaron os seus títulos na proba organizada polo Club Ciclista Jealsa Barbanza e o Concello de Boiro.

Tema: 
Probas Deportivas

Veloso remata terceiro na Volta a Portugal

Domingo, 11 de Agosto de 2019



O W52-FC Porto conquistou por sexto ano consecutivo a Volta a Portugal, pero nesta ocasión non o fixo por medio do seu dorsal 1. Gustavo César Veloso rematou terceiro na 81ª edición da Grandíssima que dominou o seu compañeiro de equipo João Rodrigues. O corredor luso arrebatou o xersei amarelo ao seu compatriota Joni Brandão (Efapel) na contra o reloxo final en Porto.

Tema: 
Probas Deportivas