Probas Deportivas

Fai click neste enlace para ver o resumo emitido pola Televisión de Galicia do Campionato de Galicia 2019 Fondo en Estada Elite e Sub23 - Volta ao Ribeiro Ourense Provincia Termal

Foto: Quadra Producións

O Enduro Serra do Galiñeiro repartiu este domingo sete títulos de campións de Galicia e Nicolás Carrera repetiu éxito na clasificación absoluta. O sub23 do Bike Comp superou na parroquia gondomareña de Vincios aos elites Pablo Míguez (Bici O Con) e Rubén Rodríguez (Condado Bike). O máis rápido dos 168 participantes no evento organizado polo + Enduro MTB foi Jorge Panizo, pero o leonés do Tres Lunas Quereño non optaba á coroa autonómica. 

Cun espectacular final en subida polo casco histórico bautizouse este domingo o Trofeo Cidade de Betanzos no calendario máster. Saúl Martín (Villaviciosa-Mayador) foi o gran triunfador nesta terceira e penúltima xornada puntuable da Copa Galicia. Cruzou a liña de meta en primeira posición e asaltou o liderado máster-30 do certame autonómico. 

A localidade lucense de Viveiro acolleu esta fin de semana a terceira cita da Copa de España de Ciclismo Adaptado; un evento que, a diferenza do habitual, dispuxo para os participantes un precioso e esixente percorrido en liña de 30 quilómetros, en lugar dun circuíto de menor quilometraxe.

Os galegos foron os grandes dominadores deste evento. Ángel Plácido López (Inclusivo Enki) levaría a vitoria na clase MH1; en MH2 os dous primeiros postos ocupáronos integrantes do Riazor, Juan Ramón Permuy, secundado por Alejandro Ferradas.