Probas Deportivas

Pellón triunfa en Bilbao e Galicia segue contando con tres líderes no Open de España de Descenso





A categoría máster-30 do Open de España de Descenso ten un sólido dominador en Manuel Pellón despois de dúas xornadas disputadas. O rider do BDM Bike Club obtivo no Bilbao Downhill a súa segunda vitoria consecutiva no certame estatal e subiu ao podio da Plaza de Rekalde para vestirse co maillot de líder, do mesmo xeito que o fixeron dúas galegas: a cadete Uxía Álvarez (Coruxo) e a máster-30 Estefanía Cabarcos (BDM).


Iván Feijoo repite no Trofeo Federación XCO impoñéndose na Cañiza





Na terra do xamón Iván Feijoo saboreou o pasado sábado o seu segundo triunfo no Trofeo Federación XCO 2019. O sub23 do Maceda venceu no II Trofeo BTT XCO Grupetta Pan de Zarko - Concello da Cañiza unha semana despois de terse imposto na proba inaugural deste certame autonómico. Outros cinco líderes repetiron vitoria nunha cita que congregou a 115 bikers.


Open de España XCO: Os líderes Rodríguez e Canal vencen en El Almendro e Lois pisa o podio





O Gran Premio BTT Villa de El Almendro estreouse con tres éxitos galegos como proba do calendario do Open de España XCO Cofidis. Pablo Rodríguez (Primaflor) sumou o seu primeiro triunfo da temporada e vestiuse de líder na categoría Elite e Sub23, Carlos Canal (Maceda) reforzou a súa hexemonía entre os juniors prolongando o seu pleno de vitorias e Lara Lois (Extol - La Gramola Team) subiu por primeira vez esta campaña ao podio do certame estatal de Cross Country Olímpico. 


A Cañiza repite este sábado como escenario do Trofeo Federación XCO





Por segundo ano consecutivo o Trofeo Federación de Cross Country Olímpico (XCO) fai parada na localidade pontevedresa da Cañiza. Os mellores bikers do panorama galego estarán este sábado no II Trofeo BTT XCO Grupetta Pan de Zarko - Concello da Cañiza. As carreiras desta segunda xornada puntuable do certame autonómico arrancarán ás 16:30 horas no Campo de Fútbol de Augas Férreas. 


Máis de 100 nenas e nenos disputarán o Mini DHU Mondariz





Este sábado celebrarase o I Mini DH Urbano adicado a Borja Gómez Méndez. Trátase da primeira das oito probas que compoñes as Mini DH Galicia Series, unha aposta das escolas galegas por impulsar o Descenso galego, que se atopa en momentos baixos.

Estas oito probas disputaranse ao longo de catro meses, onde nenas e nenos da nosa comunidade e de fóra poderán iniciarse no DH. No caso de Mondariz, xa se pecharon as inscrición chegando a ser 113 as nenas e nenos que gozarán dunha carreira pensada para eles na vila da auga. 


Mila López sitúase líder na Copa de España de Ciclismo adaptado





A localidade almeriense de Cuevas de Almanzora foi o escenario no que a pasada fin de semana levouse a cabo a segunda proba da Copa de España de Ciclismo Adaptado de estrada; unha cita que contou cunha gran participación tanto de público como de afeccionados, e na que Galicia estaba representada polos ciclistas Iván Montero MH5 e Mila López WH4, ambos do Club Ciclista Riazor.


Santos Lemos e a Baixomiño Experience estreáronse ao grande na Copa Galicia de Enduro





Dobre bautizo soñado na terceira e penúltima xornada da Copa Galicia de Enduro. Os montes de A Guarda acolleron o pasado domingo a primeira edición da Baixomiño Experience, un evento promovido polo clube ciclista In Situ e que resultou un éxito organizativo con 198 participantes en liza. Entre todos estes riders o máis rápido foi o máster-30 Santos Lemos (Grupeta Pan de Zarko), quen nunca antes acadara o triunfo absoluto nunha proba do calendario autonómico. 


Mariño inaugurou o seu palmarés como máster na Copa Galicia de A Estrada





Segunda xornada puntuable para a Copa Galicia de Estrada Máster e segundo triunfo absoluto para a formación do Norinver Cycling Team. José Luis Mariño ergueu os brazos o pasado domingo na liña de meta do VII Trofeo Concello de A Estrada. Deste xeito, o ciclista padronés sumou a súa primeira vitoria na categoría máster. 

O Cidade de Santiago, clube organizador desta carreira, non variou o percorrido de 81 quilómetros do ano anterior. Se a primeira metade resultou favorable e asequible, o treito final marcou as diferenzas pola súa esixencia. 


O Trofeo Federación comezou en Santiago ao ritmo de Iván Feijoo





Unha semana despois de que se puxera en marcha a Copa Galicia, o outro certame autonómico de Cross Country Olímpico (XCO) arrancou en Santiago de Compostela. O circuíto da Granxa do Xesto acolleu o pasado sábado a primeira proba puntuable do Trofeo Federación e sobre un terreo moi enlamado Iván Feijoo (Maceda) marcou o ritmo. O vixente campión de España Sub23 de ciclocross  acadou na capita galega a súa primeira vitoria da temporada no calendario de BTT. 


Carla Fernández obtivo o mellor resultado das galegas na Copa de España de Noja





Na terceira xornada da Copa de España Féminas Cofidis 2019 a viguesa Carla Fernández consolidou a cuarta praza na clasificación xeral júnior. A corredora do Río Miera - Meruelo colleitou a cuarta posición no Trofeo Villa de Noja – GP Cantabria Deporte, unha cita na que outras cinco galegas alcanzaron a liña de meta.