Probas Deportivas

A Volta a Galicia celebra desde este xoves a súa maioría de idade cun espectacular percorrido





Unha contra o reloxo por equipos dará este xoves en Baiona o bandeirazo inicial á XVIII Volta Ciclista a Galicia para corredores Elite e Sub23. A gran rolda autonómica alcanza a maioría de idade e celebrarao indo do sur ao norte da comunidade, dende o Atlántico ata o Cantábrico, en catro xornadas de máxima esixencia. Un espectacular percorrido no que 119 ciclistas de dezasete equipos loitarán por suceder a Sergio Vega no palmarés da carreira que pecha o calendario amateur español.


Ballesteros adxudicouse o Trofeo Cidade de Pontevedra no peche da Copa Galicia de Estrada Elite e Sub23





Correr sen compañeiros de equipo non foi obstáculo para que Miguel Ángel Bastelleros se impuxera este domingo no III Trofeo Cidade de Pontevedra - Memorial Rogelio Acuña, terceira e última proba puntuable da Copa Galicia de Estrada Elite e Sub23. O murciano do Valverde Team ergueu os brazos por diante de Rubén Fernández (Cycling Galicia). Roberto Mediero (Vigués) completou o podio na cita organizada polo Grupo Deportivo Supermercados Froiz. 


Presentada en Curtis a terceira etapa da XVIII Volta a Galicia





O municipio coruñés de Curtis xa vive a XVIII Volta a Galicia. Este venres presentouse na praza do concello en Teixeiro a terceira etapa da rolda autonómica, que se disputará o sábado 21 de setembro.

Nesta penúltima tirada da volta os corredores terán que completar 151 quilómetros. A saída darase ás 13:00 horas na Praza de España, en Teixeiro, e a chegada está prevista ao redor das 17:00 horas na Avenida Principal de Curtis. 


Lete Lasa presenta a XVIII Volta Ciclista que "mostra a Galicia en todo o seu esplendor"





O secretario xeral para o Deporte, José Ramón Lete Lasa, acompañado pola delegada da Xunta en Vigo, Corina Porro, presentou na mañá deste xoves a XVIII edición da Volta Ciclista a Galicia que terá lugar do 19 ao 22 de setembro. O mandatario galego subliñou a importancia da “proba raíña do ciclismo galego” que “mostra a Galicia en todo o seu esplendor” dinamizando e promovendo “os nosos tesouros naturais máis cotizados” ao longo dos seus 450 quilómetros.


O Trofeo Cidade de Pontevedra decide este domingo a Copa Galicia de Estrada Elite e Sub23





Na antesala da Volta a Galicia, este domingo resolverase a Copa Galicia de Estrada Elite e Sub23. O certame autonómico celebra a súa terceira e última clásica puntuable, o III Trofeo Cidade de Pontevedra - Memorial Rogelio Acuña. O elite Jorge Martín Montenegro (Aluminios Cortizo) e o sub23 Alejandro Gómiz (Mutua Levante) chegan como líderes dos rankings á proba de 100 kilómetros de percorrido organizada polo Grupo Deportivo Supermercados Froiz. 


O Campionato de España XCM e dúas xornadas do Open estatal de Enduro celebraranse en Galicia no 2020





A Comisión Delegada da Real Federación Española de Ciclismo (RFEC) aprobou na súa última reunión a celebración do Campionato de España de Cross Country Maratón (XCM) 2020 en Lalín, así como a disputa de dúas xornadas puntuables para o Open de España de Enduro 2020 nas localidades galegas de Moaña e Mugardos.


Triunfo histórico por equipos do Riazor na Copa de España de Ciclismo Adaptado en Orihuela





O proxecto de ciclismo adaptado do Club Ciclista Riazor fixo historia esta fin de semana na Copa de España celebrada na localidade alacantina de Orihuela. O conxunto coruñés conseguiu a súa primeira vitoria na clasificación por equipos do certame estatal, situando a catro corredores nos postos de podio. 


Monforte repartiu oito títulos autonómicos de fondo en estrada





No último Campionato de Galicia do calendario de estrada 2019, oito ciclistas conquistaron títulos autonómicos este sábado na localidade lucense de Monforte. A elite María Jesús Barros (Spol), a sub23 Paula Sanmartín (Eneicue), a júnior Carla Fernández (Río Miera), a cadete Claudia García (Redondela Il Piccolo), a máster-30 Ana Gómez (Chinquena), a máster-40 Mónica Alarcón (Arcadecycles), o júnior Miguel Ángel Mera (MMR) e o cadete Rubén Fandiño (Zona Cycling) ergueron os brazos na liña de meta ubicada diante do Colexio dos Escolapios.


Pontevedra volverá acoller o Campionato de España de Ciclocross no 2020





O parque da Illa das Esculturas (Pontevedra) volverá acoller no 2020 o Campionato de España Ciclocross, que se celebrará neste fermoso enclave da cidade do Lérez do 10 ao 12 de xaneiro (venres a domingo), grazas á decidida e firme aposta do Concello de Pontevedra e a Federación Galega de Ciclismo.


Cadetes, juniors e mulleres buscan os títulos autonómicos de estrada este sábado en Monforte





Douscentos corredores daranse cita este sábado en Monforte para pugnar polos títulos autonómicos de estrada que aínda non foron adxudicados neste 2019. Na capital da comarca de Lemos poranse en xogo as coroas cadetes e juniors masculinas, así como as das categorías femininas dende cadetes ata masters. O evento, que arrancará ás 15:00 horas, presentouse este mércores na casa consistorial da cidade do Cabe.