Probas Deportivas

Irene Trabazo encadea en Vic a súa segunda vitoria UCI C2 e Iván Feijoo remata segundo





Os especialistas galegos en ciclocrós despediron con bos resultados e sensacións o tríptico de probas catalanas puntuables para os rankings da Unión Ciclista Internacional (UCI). Na terceira destas citas de nivel C2, dous dos nosos representantes pisaron o podio en Vic. 

Irene Trabazo repetiu vitoria na categoría Sub-23. Despois do día anterior terse imposto en Manlleu, a marinense do XSM cruzou a liña de meta en sétima posición da carreira raíña feminina, a 3:04 da vencedora Lucía González (Nesta), e con 1:08 de vantaxe sobre a segunda sub-23 Paula Suárez (Euskadi).


Iván Feijoo e Irene Trabazo, primeiros sub-23 na proba UCI C2 de Manlleu





Catro corredores galegos están disputando durante esta ponte de novembro o tríptico de probas catalanas puntuables para os rankings da Unión Ciclista Internacional (UCI). Na segunda destas citas de nivel C2, disputada este sábado en Manlleu, os podios sub-23 tiveron a dous dos nosos representantes no máis alto.


Saúl López e Carla Fernández asinan triunfos solventes na Copa Galicia de Esmelle





Dúas probas en dous días e dobre vitoria para Saúl López na Copa Galicia de Ciclocrós. O monfortino do Maceda repetiu este sábado no circuíto ferrolán de Esmelle o éxito acadado na xornada anterior en Culleredo, impoñéndose de novo na carreira Elite e Sub-23. A raíña feminina na cuarta cita puntuable do certame autonómico foi a sub-23 Carla Fernández (Río Miera).


Saúl López e María Jesús Barros estréanse no regreso da Copa Galicia en Culleredo





Despois de dúas semanas de paréntese, a Copa Galicia regresou nun dos circuítos con máis historia do ciclocrós autonómico. O parque de Acea de Ama acolleu este venres o III Trofeo Concello de Culleredo, unha cita organizada polo Club Ciclista Cambre e na que houbo dobre estreo triunfal nas carreiras raíñas. Saúl López (Maceda) e María Jesús Barros (Spol) conseguiron as súas primeiras vitorias da temporada.


Máis de 300 ciclistas participarán no III Ciclocrós Val de Esmelle





Esmelle acollerá este sábado o III Ciclocrós Val de Esmelle, cuarta proba puntuable para a Copa Galicia de Ciclocrós e na que participarán mais de 300 deportistas de categorías masculina e feminina, procedentes de toda Galicia. O evento deportivo converterá a Esmelle, e por tanto a Ferrol, no epicentro deste deporte.


Presentación do 3º Trofeo Concello de Culleredo de Ciclocross





Este luns tivo lugar o acto de presentación oficial do 3º Trofeo Concello de Culleredo de Ciclocrós, que se celebrará o vindeiro venres día 1 no Parque de Acea de Ama.


Isabel Castro e Ricardo Buba volven subir ao máis alto do podio en Elorrio





Dobrete para dous galegos na primeira fin de semana da Copa de España de Ciclocrós. O cadete Ricardo Buba (Coruxo) e a máster-50 Isabel Castro (Condado Bike) repetiron este domingo en Elorrio os triunfos acadados o día anterior en Llodio. Outros sete representantes da 'armada autonómica' asinaron postos de Top-10 no circuíto biscaíño.


Ricardo Buba e Isabel Castro dan as primeiras vitorias ao ciclocrós galego na Copa de España





Llodio deu este sábado o bandeirazo de saída á Copa de España de ciclocrós e no circuíto alavés dous galegos subiron ao máis alto do podio. Ricardo Buba (Coruxo) impúxose nos cadetes e Isabel Castro (Condado Bike) dominou nas máster. Ademais, Iván Feijoo (Nesta) e Irene Trabazo (XSM) remataron nas clasificacións sub-23 dentro duns top-10 con moita presenza estranxeira.


Vídeo: resumo do Campionato de Galicia de Descenso 2019





Fai click nesta ligazón para ver o vídeo oficial do Campionato de Galicia de Descenso 2019 celebrado en Xunqueira de Espadanedo. 

 

Foto: Suso Lantarou


Aberto o segundo prazo para solicitar probas no Calendario 2020





A Federación Galega de Ciclismo abre un novo prazo para solicitar as probas do calendario autonómico 2020. Este novo período de admisión das solicitudes finaliza o mércores 13 de novembro de 2019.

 

TAXAS

Aínda non lles podemos confirmar os prezos das taxas da tempada do 2020 debido a que será a Asemblea Xeral a que aprobe as Obrigacións Financeiras da próxima tempada, polo que a data de hoxe están en vigor as do 2019.