Probas Deportivas

Xunqueira de Espadanedo decide por partida dobre os títulos galegos de Descenso

Venres, 4 de Outubro de 2019



Chega a cita definitiva e máis importante da temporada galega de Descenso. Nunha baixada de 2,5 quilómetros poranse en xogo este domingo os títulos do Campionato de Galicia DHI e os maillots finais da Copa autonómica. O circuíto da localidade ourensá de Xunqueira de Espadanedo exercerá de xuíz por partida dobre. 

O percorrido leva o selo do Clube Ciclista Maceda e acumula 500 metros de desnivel positivo. Os pilotos que non o coñecen terán a oportunidade de descubrilo na xornada de adestramentos do sábado, entre as 15:00 horas e as 19:00. 

Tema: 
Probas Deportivas

A Copa Galicia de Ciclocross arranca este domingo en Poio cun espectacular dato de participación

Xoves, 3 de Outubro de 2019



Por segundo ano consecutivo a localidade pontevedresa de Poio encárgase de dar o bandeirazo inicial a outra temporada histórica para o ciclocross galego. Este domingo dispútase a primeira das catorce probas puntuables para a Copa autonómica 2019. Este certame atopará continuidade no Campionato de Galicia e posteriormente no de España, que volverá ter como escenario Pontevedra no mes de xaneiro. 

Tema: 
Probas Deportivas

Xunqueira de Espadanedo mestura paisaxe, espectáculo e deporte no Campionato de Galicia de descenso BTT

Mércores, 2 de Outubro de 2019



O Concello de Xunqueira de Espadanedo será esta fin de semana -5 e 6 de outubro- o punto de atención dos afeccionados ao ciclismo de montaña coa celebración do Campionato de Galicia de Descenso BTT, que se desenvolverá nun espectacular circuíto, segundo organizadores e corredores, coa presenza de especialistas de primeiro nivel e na que se decidirán os campións galegos e da Copa Galicia.

Tema: 
Probas Deportivas

Martín Bouzas dá o salto ao campo profesional co Kern Pharma

Martes, 1 de Outubro de 2019



Un ciclista galego estrearase no pelotón profesional na temporada 2020. Martín Bouzas defenderá as cores do Kern Pharma, nova formación UCI Continental española posta en marcha pola Asociación Deportiva Galibier, a estrutura do conxunto elite e sub23 navarro do Lizarte. Catro medallas nas súas catro participacións no Campionato de España Sub23 de CRI avalan ao corredor de Rois.

Tema: 
Probas Deportivas

Tony Pérez selou cunha vitoria en Arrasate o seu triunfo no ranking máster-40 do Open de España de Enduro

Luns, 30 de Setembro de 2019



Despois de catro meses de paréntese, o Open de España de Enduro 2019 regresou esta fin de semana para resolver os seus rankings finais. Tony Pérez chegaba como líder máster-40 e certificou o seu título impoñéndose en Arrasate (Guipúscoa). O rider do Condado Bike foi un dos seis galegos que rematou entre os tres primeiros da súa categoría nas clasificacións definitivas do certame estatal. 

Tema: 
Probas Deportivas

Resumo do Campionato de Galicia 2019 Cadete, Júnior e Feminino de estrada

Luns, 30 de Setembro de 2019



Fai click nesta ligazón para ver o resumo do Campionato de Galicia 2019 Cadete, Júnior e Feminino de estrada emitido pola segunda canle da TVG

Tema: 
Probas Deportivas

O Riazor sitúase líder por equipos da Copa de España de ciclismo adaptado

Martes, 24 de Setembro de 2019



Segunda vitoria consecutiva e liderado na xeral por equipos para o Club Ciclista Riazor na Copa de España de ciclismo adaptado. O conxunto coruñés repetiu esta fin de semana no Valle de Trápaga (Biscaia) o histórico éxito acadado dúas semanas antes en Orihuela (Alacante). Empurrados polos triunfos individuais de Iván Montero e Mila López, os galegos sitúanse no máis alto do ranking por escuadras a falta de tres citas para o remate da temporada. 

Tema: 
Probas Deportivas

Pellón mantén o seu dominio no regreso da Copa Galicia de Descenso no Páramo

Luns, 23 de Setembro de 2019



O calendario autonómico de Descenso reactivouse esta fin de semana para iniciar na localidade lucense do Páramo o seu intenso final da temporada. O DHG Team organizou o DH Molinos, segunda xornada puntuable da Copa Galicia desta modalidade. Entre os 80 participantes, o máis rápido foi o máster-30 Manuel Pellón (BDM Bike Club).

Tema: 
Probas Deportivas

Dous segundos danlle a Márquez a Volta en San Roque

Domingo, 22 de Setembro de 2019



Final de infarto este domingo no desenlace da decimo oitava edición da Volta a Galicia. O líder Martí Márquez chegaba á última xornada con 27 segundos de vantaxe sobre Alejandro Ropero e acabou salvando o maillot amarelo por 2” no alto de San Roque, en Viveiro. O andaluz do Kometa puxo contra ás cordas ao catalán do Lizarte formando parte do cuarteto que se destacou na ascensión de primeira categoría onde o portugués Patrick Videira (Fortunna/Maia) se anotou o triunfo de etapa.

Tema: 
Probas Deportivas