Probas Deportivas

Lois venceu en La Capitana e sentenciou matemáticamente o Open de España de XCM





O ciclismo galego xa conta cun título de Open de España neste 2019. Lara Lois sentenciou matemáticamente o ránking elite feminino do certame estatal de Cross Country Maratón (XCM). A biker do Extol - La Gramola Team venceu con solvencia na penúltima proba puntuable, a X Maratón Capitana Javi Cabeza. 


Eladio Jiménez adxudicouse a Volta a Lugo Máster





O exprofesional salmantino Eladio Jiménez triunfou na clasificación xeral da Volta a Lugo Máster. O máster-40 do Norinver estivo escoltado por José Ignacio Méndez (Garaje Paco) e Rubén Fernández (Norinver), segundo e terceiro respectivamente, no podio da cuarta edición deste evento organizado polo Clube Ciclista Chantadino e que contou coa participación de 190 corredores. 


Canal impón a súa lei en Marsella e vence nas Junior Series





Xa non hai dúbida. Se Carlos Canal demostrou que era un dos primeiros espadas europeos entre os júniors da especialidade do ciclocrós, na modalidade de cross country olímpico tampouco hai moitos ciclistas que poidan seguir o seu ritmo, como demostrou na cita das UCI Junior Series en Marsella.


Susana Alonso revalidou o seu título elite de campioa de España de XCUM e Teresa Barreira fíxose coa coroa máster-40





Histórica actuación das dúas bikers que defenderon as cores de Galicia no Campionato de España de Ultramaratón celebrado este sábado en Calamocha (Teruel). Susana Alonso defendeu con éxito o título Elite acadado no 2018 e no podio absoluto acompañouna a máster-40 María Teresa Barreira, terceira muller na liña de meta e primeira da súa categoría. Nas máster-40A outra galega, Ana María González (Mitto), tamén se colgou unha medalla, a de bronce.


Catro galegos defenderán este sábado as cores de Galicia no Campionato de España XCUM





Por primeira vez na historia, Galicia contará con catro representantes, dous homes e dúas mulleres, no Campionato de España de BTT-Ultramaratón (XCUM). Os elites Susana Alonso, Brandan Márquez, Javier Busto e a máster-40 Teresa Barreira compoñen o combinado galego que este sábado, 30 de marzo, disputará este desafío de 127 kilómetros en Calamocha (Teruel). Os nosos representantes desprazáronse o xoves ata terras aragonesas para na xornada do venres revisar as zonas técnicas do circuíto.


A Volta a Lugo Máster celebra esta fin de semana a súa cuarta edición





Con tres etapas en dúas xornadas a Volta a Lugo Máster apoderarase esta fin de semana das estradas da Ribeira Sacra. O Club Ciclista Chantadino organiza a cuarta edición deste evento que agarda reunir a preto de 200 corredores. O prazo para inscribirse en emesports.es péchase este xoves, día 28, ás 23:00 horas.


Lois ampliou a súa vantaxe no Open de España de XCM nunha xornada inesquecible para Guerra en Cambrils





Dobre alegría para a estructura do Extol - La Gramola Team na Scott Marathon Cup de Cambrils, terceira proba puntuable do Open de España de Cross Country Maratón (XCM). Lara Lois acadou a terceira posición entre as elites e Fernando Guerra asinou o primeiro posto nos máster-30. 


Rubén Fernández abriu a Copa Galicia Máster repetindo triunfo no Memorial Fernando Abad





Por segundo ano consecutivo Rubén Fernández (Norinver) inscribiu o seu nome no palmarés do Memorial Fernando Abad. A cuarta edición da proba adicada a quen foi presidente do Tambre Bike estreou o pasado domingo o calendario da Copa Galicia de Estrada Máster 2019 e reuniu no municipio coruñés de Oroso a 175 corredores. 


Os líderes da Transgalaica non fallan na Estrada





Javier Busto (Extol-La Gramola  Team) e Isabel  Picoaga (CC 7 Voltas) continúan co seu dominio e tras a vitoria na proba da Estrada reafírmanse un pouco máis se cabe no liderado da  Transgalaica2019. Máis de 350 corredores tomaron a saída desde a céntrica Praza da Feira con destino a un rápido circuíto que prepararan desde  Bikestrada para a ocasión. A falta de choivas das últimas semanas fixo que o terreo estivese en perfecto estado e alcanzásense unhas media de velocidade inusuais para este tipo de probas.


O XCO repite fórmula no calendario autonómico co Trofeo Federación e a Copa Galicia





O espectáculo do Cross Country Olímpico volve chegar por partida dobre ao calendario galego. Tras o éxito do 2018, a Federación Galega de Ciclismo repite a fórmula de dividir as probas de XCO en dous certames independentes: Trofeo Federación e Copa Galicia. En total, disputaranse doce probas puntuables en pouco máis de tres meses e medio.