Probas Deportivas

A calor non derreteu ao invicto Iván Feijoo no Trofeo Federación de Oroso





Tres de tres para Iván Feijoo no Trofeo Federación de Cross Country Olímpico (XCO). Nin os seus rivais nin a abafante calor do pasado sábado puideron poñer fin no concello coruñés de Oroso á imbatibilidade do sub23 do Academia Postal-Maceda. As diferenzas rexistradas na liña de meta ofrecen unha idea da dureza que se atoparon o centenar de participantes na proba organizada polo Tambre Bike. 


Lara Lois e Brandán Márquez proclamáronse campións de Galicia XCM na Lalín Bike Race





A cuarta edición da Lalín Bike Race tivo valor dobre. A cita organizada polo Extol-La Gramola Team e o Montes do Deza exerceu de Campionato de Galicia de Cross Country Maratón (XCM)  e de clausura do Open de España desta modalidade. Os sete bikers que se alzaron cos títulos autonómicos tamén ocuparon postos de podio na proba puntuable para o certame estatal. 


Fernandes vence en Sigüeiro e De Mateos lévase a xeral da Volta á Provincia da Coruña





O epílogo da carreira levou aos ciclistas por algunhas das estradas que percorre o Camiño de Santiago. Unha peregrinación na que foi protagonista unha fuga de nivel, controlada en todo momento polo conxunto Aluminios Cortizo desde o pelotón.

Con forza, un total de 6 ciclistas destacáronse aproveitando a sucesión de pequenas costas. Alí coáronse Edwin Torres e Elías Tello (Kuota), Amores (Electro Hiper Europa), Videira (Fortunna Maia), Guillermo García (Froiz) e Felipe Orts (Mutua Levante- Alé), que chegaron a alcanzar tres minutos de vantaxe.


Dorsais da XVIII Volta ciclista á Provincia da Coruña





Este venres, 31 de maio, un total de 119 corredores tomarán a saída na XVIII Volta ciclista á Provincia da Coruña. 


Gomiz supera a Montenegro no desenlace do Trofeo da Ascensión





Tras dous anos de parénteses, Compostela recuperou o seu Trofeo da Ascensión o día grande das festas. E o pelotón non defraudou, a pesar dos trinta graos de temperatura que fixeron a proba aínda máis dura. Ao final, os que conseguiron terminar a carreira foron chegando en sucesivas ondas.

O triunfo foi para Alejandro Gómiz, do Mutua Levante, que se impuxo no esprint a Martín Montenegro, dos Aluminios Cortizo de Padrón. Ambos asinaron un tempo de 3:02:46 e unha media de case corenta quilómetros por hora, a máis alta prevista pola organización.


As Pontes, Muros e Oroso acollerán esta fin de semana a 18ª edición da Volta Ciclista á Provincia da Coruña





Os concellos de As Pontes, Muros e Oroso serán este ano as sedes centrais da 18ª edición da Volta Ciclista á Provincia da Coruña, que se disputará entre os días 31 de maio e 2 de xuño e contará coa participación de máis dun centenar de ciclistas das categorías Élite e Sub-23, nas que se forxan as novas promesas desta disciplina deportiva antes de chegar ao ámbito profesional.


Martín Rey vence en Carballo e Alexandre García continúa líder da Copa Galicia Cadete





A segunda proba puntuable da Copa Galicia Cadete de estrada resolveuse cun ataque en solitario. Martín Rey (Aluminios Cortizo) impúxose o pasado sábado no Trofeo Concello de Carballo con 34 segundos de vantaxe sobre o pelotón. Ao fronte do gran grupo entrou Alexandre García (Redondela Il Piccolo), que conserva o liderado conquistado en Boiro. 


Punzón reforza o seu liderado da Copa Galicia XCO en Cambre





Na proba decana do calendario autonómico o actual líder da Copa Galicia XCO confirmou o seu dominio. O elite Jorge Punzón (Cosmos) venceu este sábado na XIX edición do Gran Premio Concello de Cambre BTT. A cita celebrada na 'catedral' do cross country olímpico galego contou coa presenza de 129 bikers. 


A Copa Galicia Enduro pechouse con Duarte e Ferreiro vencendo no Open de España de Montefaro





Os riders galegos exhibíronse o pasado domingo na Montefaro Enduro Race, antepenúltima proba do Open de España e derradeira da Copa Galicia. A elite Desiree Duarte (Condado Bike) e o elite Toni Ferreiro (Coruxo) encabezaron o festival dos corredores locais dominando as dúas clasificacións absolutas. Houbo outros catro triunfos autonómicos nesta cita organizada polo Pulpeiros Mugardos e que contou con preto de 300 participantes. 


Saúl López bate a Pablo Álvarez no IV XCO Caimanes Betanzos da Copa Galicia





Na cuarta xornada da Copa Galicia de Cross Country Olímpico (XCO) viviuse este sábado un dos duelos máis emocionantes do que vai de temporada. Houbo que esperar ata a última volta da carreira raíña masculina para que se decantara o pulso entre o elite Saúl López (Academia Postal – Maceda) e o sub23 Pablo Álvarez (Cambre). Finalmente, o triunfo no IV XCO Caimanes Betanzos correspondeu ao representante da estructura ourensá.