Seleccións

Irene Trabazo, 24ª no Mundial de Dübendorf





O ciclocrós galego contou con representación nas dúas xornadas do Mundial celebrado durante esta fin de semana no circuíto suízo de Dübendorf. Este domingo Irene Trabazo obtivo a 24ª posición na carreira sub-23. A marinense foi a segunda mellor clasificada do cuarteto que presentou a selección española. 


Feijoo fai historia para o ciclismo galego cun sexto posto no Mundial de Ciclocrós de Dübendorf





O alaricano Iván Feijoo asinou este sábado unha nova páxina no libro de ouro da historia do ciclismo galego. O dobre campión de España Sub-23 de ciclocrós acadou a sexta posición no Mundial que está disputando na localidade suíza de Dübendorf. É o seu segundo Top-10 nun Campionato do Mundo desta disciplina despois da oitava praza lograda no 2016 cando era júnior. 


Trabazo, Feijoo e Canal entran na convocatoria de España para o Mundial de Ciclocrós





Tres ciclistas sub-23 galegos aparecen na convocatoria de 21 corredores confeccionada polo seleccionador español Pascual Momparler para o Campionato do Mundo de Ciclocrós 2020 que se celebrará esta vindeira fin de semana na localidade suíza de Dübendorf. Iván Feijoo (Nesta-Skoda Alecar) e Carlos Canal (Burgos-BH) competirá o sábado 1 de febreiro ás 11:00 horas, mentres que a quenda de Irene Trabazo (XSM) chegará ao día seguinte, o domingo, ás 13:00 horas. 


O ouro de Feijoo e a prata de Trabazo poñen o broche á histórica actuación galega no Campionato de España de Ciclocrós en Pontevedra





Dous ciclistas sub-23 elevaron este domingo a once a cifra total de medallas conquistadas polos corredores galegos no Campionato de España de Ciclocrós 2020 celebrado durante a fin de semana en Pontevedra. Iván Feijoo volveuse colgar o ouro, tal e como fixera doce meses antes no mesmo escenario, e Irene Trabazo subiu ao segundo chanzo do podio. Coa histórica colleita de metais autonómica e con récord de participantes, a Illa das Esculturas superouse a si mesma acollendo por segundo ano consecutivo a gran cita do ciclismo invernal.


As mulleres lideran o festival galego na apertura do Campionato de España de Ciclocrós en Pontevedra





O ciclocrós galego viviu este sábado un día histórico na apertura do Campionato de España en Pontevedra. Os corredores anfitrións acumularon nove medallas, catro delas de ouro, e deste xeito cumpriron o obxectivo que se marcaran para a fin de semana: superar as oito presenzas no podio acadadas en 2019 na cidade do Lérez.


Galicia busca repetir fazañas dende este sábado no Campionato de España de Ciclocrós en Pontevedra





Ás 09:00 horas deste sábado darase o bandeirazo inicial ao Campionato de España de Ciclocrós 2020, a cita máis agardada no calendario invernal do ciclismo e que por segundo ano consecutivo ten como escenario Pontevedra. A Illa das Esculturas vive dende este venres unha invasión de bicicletas. Preto de mil corredores, récord histórico de participación, rodarán polo trazado ao carón do río Lérez na procura das coroas estatais.


Guillermo Sande, seleccionador de Galicia: "A aposta polo ciclismo feminino diferencia a esta Selección"





-¿Con que expectativas encara a selección anfitrioa o Campionato de España de Ciclocrós?

-A nivel xeral, temos boa calidade de corredores en todas as categorías, pero os Campionatos de España son complicados. É unha proba de 50 minutos na que pode pasar calquera cousa. Trátase dunha carreira dun día, non é a Copa de España. Podes ser o gañador da xeral da Copa e no Campionato custarte moito estar entre os oito primeiros. A nosa ilusión é manter o nivel e conseguir o maior número posible de medallas.


Convocatoria da Selección de Galicia para o Campionato de España de Ciclocrós en Pontevedra





A Selección de Galicia convoca a 35 ciclistas para disputar o Campionato de España de Ciclocrós en Pontevedra o 11 e o 12 de xaneiro. Á lista confeccionada polo seleccionador Guillermo Sande sumaranse os corredores máster que acaben entre os dous primeiros da súa categoría nos rankings finais da Copa Galicia, así como aqueles masters que se proclamaron campións autonómico o pasado 29 de decembro no Porriño.

NOME


O XCM galego obtivo catro medallas e rozou o podio elite feminino no Campionato de España





María Teresa Barreira revalidou o seu título máster-40 A e encabezou os resultados da Selección de Galicia no Campionato de España de Cross Country Maratón (XCM) celebrado este domingo na localidade xienense de Cazorla. Dúas medallas de prata, acadadas polo máster-40 A Alejandro Trasbach e polo máster-50 A Franciso Xavier López Cedrón, completaron a colleita do combinado autonómico, que acariciou unha cuarta presenza no podio elite feminino. Ademais, o galego Jorge Novoa fíxose co bronce máster-40 B defendendo as cores do Burgas Bike Team. 


Dez bikers representan á Selección de Galicia no Campionato de España XCM





Co esixente listón das cinco medallas acadadas o pasado ano, a 'armada' galega de bikers presentarase este domingo na localidade xienense de Cazorla para participar no Campionato de España de Cross Country Maratón (XCM) 2019. Entre os 1.200 inscritos haberá dez corredores que competirán coas cores da Selección de Galicia.