Seleccións

Bo traballo da Selección de Galicia Júnior na apertura do Trofeo Federación en Valladolid





Co mesmo tempo na clasificación por equipos que a vencedora Baleares, a Selección de Galicia realizou un bo traballo VI Copa Valladolid-Memorial Angel Lozano, proba inaugural do VI Trofeo Federación. 


A Selección de Galicia Júnior ocupou a sétima praza na CRE do Trofeo La Cistérniga





Este sábado a Selección de Galicia Júnior arrancou a temporada participando na provincia de Valladolid no II  Trofeo La Cistérniga Viana de Cega, disputado no formato de contrarreloxo por equipos (CRE). O combinado autonómico ocupou a sétima praza nun percorrido de 17,5 kilómetros.


A Selección de Galicia Júnior estrea a temporada cunha dobre cita en Valladolid





Seis corredores representarán á Selección de Galicia Júnior nas súas dúas primeiras competicións desta campaña. O combinado autonómico disputará este sábado o II  Trofeo La Cistérniga Viana de Cega, no formato de contrarreloxo por equipos, e o domingo a Copa Valladolid - Memorial Ángel Lozano, primeira proba puntuable para o Trofeo Federación. Esta dobre cita terá como escenario as estradas da provincia vallisoletana.


Convocatoria da Selección de Galicia Júnior





A Selección de Galicia Júnior de estrada disputará o sábado 1 de abril o II Trofeo La Cistérniga Viana de Cega na modalidade de contrarreloxo por equipos (CRE) e ao día seguinte o  Memorial Ángel Lozano, primeira proba puntuable do Trofeo Federación. 

Os corredores citados ás 7:30 horas pola Federación Galega Ciclismo no Hotel Scala de Padrón para posteriormente desprazarse ata terras pucelanas son: 

Roi Domínguez García (Fundación Óscar Pereiro)

Adrián Giráldez Rodríguez (Servicio Logist. Soutullo Ponteareas)


Adestramento da FGC con mulleres Junior, Sub23 e Elite o sábado 25 de marzo no Porriño





Do mesmo xeito que a pasada fin de semana se celebrou un adestramento cos juniors, este sábado os técnicos da Federación Galega de Ciclismo convocan ás seguintes mulleres Junior, Sub23 e Elite para manter unha toma de contacto a partir das 10:00 horas no Velódromo do Porriño: 


A FGC organiza un adestramento para juniors este sábado no Porriño





Co obxetivo de ter unha toma de contacto cos corredores para unificar o traballo de equipo, técnico e táctico; a Federación Galega de Ciclismo (FGC) organiza este sábado un adestramento para  juniors.

Ás 10:30 horas no Velódromo da localidade pontevedresa do Porriño está convocados os seguintes ciclistas: 

Martín Soutullo Trigo (Carballo a un paso)

Fabián Fraga Graíño (Carballo a un paso)

Roi Domínguez García (Fundación Óscar Pereiro)

Andrés Abal Aldao (Fundación Óscar Pereiro)


Iván Feijoo finalizou 44º na carreira junior do Mundial de ciclocross





Unha caída masiva no arranque da proba marcou a participación do junior Iván Feijoo no Mundial de Ciclocross en Bieles (Luxemburgo).

O xeo xogou un papel decisivo nesta carreira e o alaricense do Academia Postal-Actyon-MMR ocupou a 44ª posición, cruzando a liña de meta sete minutos e dous segundos máis tarde que o gañador Thomas Pidcock (Gran Bretaña).

Clasificación completa


Iván Feijoo disputa este sábado o Mundial de Ciclocross en Luxemburgo





O vixente campión de España júnior Iván Feijoo estará este sábado, a partir das 11:00 horas, na liña de saída do Campionato do Mundo de Ciclocross que se celebra en Bieles (Luxemburgo). O ciclista do Academia Postal-Actyon-MMR de Maceda representará á selección española xunto a Jofre Cullell e Xabier Murias. 


Iván Feijoo convocado para o Mundial de Ciclocross





O junior Iván Feijoo é un dos integrantes da lista anunciada polo seleccionador español Pascual Momparler para disputar os Campionatos do Mundo de ciclocross que se celebrarán en Bieles (Luxemburgo) os días 28 e 29 de xaneiro. 

O corredor alaricense do Academia Postal-Actyon-MMR acadou nos últimos quince días o título autonómico e estatal da súa categoría. Os outros juniors convocados para a carreira do sábado 28 ás 11:00 horas son Jofre Cullell (Cataluña) e Xabier Murias (Euskadi).


Feijoo, ouro nos juniors, e Canal, prata nos cadetes, redondearon a actuación da Selección de Galicia nos Campionatos de España de Ciclocross





O ciclismo galego viviu outra xornada para o recordo este domingo na clausura dos Campionatos de España de ciclocross Loterías celebrados en Valencia. Defendendo as cores do combinado autonómico, o alaricano Iván Feijoo proclamouse campión de España júnior e o limiao Carlos Canal rematou segundo na proba cadete.