Seleccións

Susana Alonso revalidou o seu título elite de campioa de España de XCUM e Teresa Barreira fíxose coa coroa máster-40





Histórica actuación das dúas bikers que defenderon as cores de Galicia no Campionato de España de Ultramaratón celebrado este sábado en Calamocha (Teruel). Susana Alonso defendeu con éxito o título Elite acadado no 2018 e no podio absoluto acompañouna a máster-40 María Teresa Barreira, terceira muller na liña de meta e primeira da súa categoría. Nas máster-40A outra galega, Ana María González (Mitto), tamén se colgou unha medalla, a de bronce.


Catro galegos defenderán este sábado as cores de Galicia no Campionato de España XCUM





Por primeira vez na historia, Galicia contará con catro representantes, dous homes e dúas mulleres, no Campionato de España de BTT-Ultramaratón (XCUM). Os elites Susana Alonso, Brandan Márquez, Javier Busto e a máster-40 Teresa Barreira compoñen o combinado galego que este sábado, 30 de marzo, disputará este desafío de 127 kilómetros en Calamocha (Teruel). Os nosos representantes desprazáronse o xoves ata terras aragonesas para na xornada do venres revisar as zonas técnicas do circuíto.


Convocatoria da Selección de Galicia júnior masculina de estrada para adestramento no Porriño





Este sábado 16 de marzo a Selección de Galicia júnior masculina de estrada celebrará un adestramento na localidade pontevedresa do Porriño a partir das 10:30 horas. Esta primeira toma de contacto e de sensacións para o curso que vén de iniciarse busca valorar o estado de preparación de cada corredor e, a súa vez, servir de acoplamento ao combinado galego de cara ás competicións que lle agardan neste 2019. 

Os ciclistas citados polo seleccionador autonómico Guillermo Sande son:

 


España contará con tres galegos (Feijoo, Trabazo e Canal) no Mundial de ciclocrós





Galicia achegará tres ciclistas á selección española de ciclismo para competir no Campionato do Mundo de ciclocrós de Bogense 2019. Iván Feijoo e Irene Trabazo en sub23 e o bicampión de España Carlos Canal en junior foron chamados polo seleccionador Pascual Momparler para formar parte do grupo de dezaoito corredores que acudirán á localidade danesa entre o próximo 2 ao 3 de febreiro.


Lista de convocados para representar a Galicia no Campionato de España de Ciclocrós





A Federación Galega de Ciclismo deu a coñecer o conxunto de ciclistas que formará parte da Selección de Galicia para tomar parte nos próximos Campionatos de España que se disputarán na Illa das Esculturas de Pontevedra do 11 ao 13 de xaneiro.


O galego Carlos Canal representará a España nos Xogos da Xuventude





O ciclista galego Carlos Canal formará parte da selección española nos Xogos Olímpicos da Mocidade que se celebran na cidade arxentina de Bos Aires entre o 8 e o 16 de outubro. O corredor da Escola José Antonio Hermida de Maceda, entrará en competición entre os días 13 e 17 xunto co murciano David Domingo. Ambos disputarán unha proba combinada por equipos de estrada e montaña. Na estrada terán que realizar unha carreira en ruta, un critérium e unha proba contrarreloxo por equipos. O escenario será o Parque Verde (Bosques de Palermo).


Suarez (Ouro), Mariño (prata) e Álvarez (bronze) foi o balance dos galegos no Campionato de España de Descenso





A participación galega no Campionato de España de Btt descenso saldouse con tres medallas logradas polo vigués Angel Suárez (Singletrack), ouro na categoría elite, Víctor Mariño (Galicia) prata en júnior e Diego Félix Álvarez (Galicia), bronze en Master 30.

RESULTADOS DOS PARTICIPANTES GALEGOS

CAT

CICLISTA


Convocatoria da Selección de Galicia para o Campionato de España DHI





Seis riders representarán a Selección de Galicia no Campionato de España de DHi que se celebrara os días 29 e 30 de setembro na localidade de Rute (Córdoba). A lista de convocados é a seguinte:

Élite: Marco Veiga Amado (Ciclosquintena, C.) 

Sub 23: Kevin Yoel Méndez Bouza (Pulpeiros Mugardos, C.)

Junior: Victor Mariño Ferreira (X Bikes, C.) e Marco Martínez Peña (Corbelo, C.C.)

Cadete: Senén Bastos Carnero (Avaza, A.D.)


Bo papel dos junior na crono dos Campionatos de España e prata para o master 40 Raúl Portillo do Norinver galego





Arrincou a participación dos representantes galegos nos Campionatos de España junior e master que se celebran en Soria. Os junior Carla Fernández e Brais Cima debutaron cun meritorio sétimo posto na CRI que abría o programa de competición mentres Uxio San Martin conseguía acabar no top 20 da proba. Nesta primeira sesión celebráronse as probas contra o crono, nas que todas as categorías participantes tiveron que facer fronte ao mesmo percorrido de 18,7 quilómetros, con inicio e final na capital castelá.


Susana Alonso é convocada por España para o Mundial de Btt Maratón





Susana Alonso (Extremadura-Ecopilas) foi convocada polo selccionador nacional Cristobal Sánchez para tomar parte no próximo Campionato do Mundo de BTT XC Maratón que terá lugar o 18 de setembro na localidade italiana de Auronzo.