Seleccións

Pablo Rodríguez non rematou o Campionato de Europa de XCO





Pablo Rodríguez optou polo abandono no Campionato de Europa XCO de Darfo Boario Terme (Italia). O biker elite comentou que "non sei que me pasa este ano, pero non consigo atopar a regularidade. Non teño termo medio, un día bo, outro malo. E hoxe despois de tres voltas hei visto que me tocaba o malo".


Iván Feijoo non participará no Campionato de Europa por unha caída





Un infortunio no último adestramento impedirá a Iván Feijoo correr o Campionato de Europa por prescrición médica.  O júnior do Academia Postal - Actyon - MMR de Maceda chegaba nun bo estado de forma e cheo de ilusión para facer un gran papel nesta cita, que se celebra na localidade italiana de Darfo Garfo Boare, pero terá que esperar á próxima tempada porque unha caída no adestramento do pasado mércores provocoulle a perda de coñecemento de forma instantánea durante uns momentos.


Convocatoria da Selección de Galicia para a Copa de España júnior de Peñafiel





O domingo 6 de agosto disputarase o VI Trofeo Ayuntamiento de Peñafiel - Ruta del Vino Ribera del Duero, proba puntuable para a Copa de España júnior. Esta carreira rematará no mítico castelo desta localidade vallisoletana

Os corredores citados pola Selección de Galicia para desprazarse o sábado 5 ata terras pucelanas son: 

Martín Soutullo Trigo (Carballo a un Paso)

Uxío San Martín Domínguez (Cortizo - Anova)

Brais García Romero (Cambre - Caeiro)

Roi Domínguez García (Fundación Óscar Pereiro)

Guillermo Porto Rodríguez (Cortizo - Anova)


Pablo Rodríguez e Iván Feijoo, convocados para os Campionatos de Europa de XCO





Esta semana terán lugar en Darfo Boaro Terme (Italia) os Campionatos de Europa de cross country olímpico (XCO) e haberá dobre representación galega. O seleccionador español Cristóbal Sánchez convocou para esta cita ao elite Pablo Rodríguez (MMR) e ao júnior Iván Feijoo (Academia Postal - Actyon - MMR).

Este evento comezará o xoves día 27 coa carreira Team Relay e as probas individuais disputaranse na fin de semana. O alaricense Feijoo, que vén de acadar o bronce no Campionato de España, competirá o sábado a partir das 12:00 horas.


Iván Feijoo, Pablo Rodríguez e Isabel Castro subiron ao podio na última xornada dos Campionatos de España





Tres corredores galegos obtiveron medalla nas probas de cross country olímpico (XCO) durante a última xornada dos Campionatos de España celebrados na localidade valenciana de Cofrentes. Iván Feijoo fíxose co bronce na carreira júnior defendendo as cores da Selección de Galicia, Pablo Rodríguez (MMR Bikes) acadou a prata na competición elite e Isabel Castro (Condado Bike) proclamouse campioa máster-40B.


Miguel Ángel Mera adxudicouse a Txuma cadete liderando á Selección de Galicia





Triunfo de prestixio para o ciclismo galego en terras vascas. Miguel Ángel Mera impúxose na clasificación xeral da sexta edición da Txuma cadete. O representante da Selección de Galicia chegou á ultima etapa vestido de amarelo e defendeu con éxito a súa mínima renda de 1 segundo de vantaxe na xeral ao ocupar a segunda posición na liña de meta de Erandio Goikoa


Manuel Parada alcanzou as semifinais do Campionato de España eliminator





"O resultado foi inesperado", asegurou Manuel Ángel Parada despois de participar este sábado no eliminator (XCE) dos Campionatos de España que se están a celebrar en Cofrentes (Valencia). O ribeirense alcanzou as semifinais dunha competición na que tomaron a saída 41 corredores. Samuel González, o outro representante da Selección de Galicia, quedou apeado nos cuartos de final tras ter disputado pola mañá a carreira sub23 de XCO, na que rematou cuarto. 


A Selección de Galicia sumou outros dous cuartos postos nos Campionatos de España con Samuel González e Alejandro Trasbach





Os corredores da Selección de Galicia comezaron os Campionatos de España de Cofrentes abonados aos cuartos postos. A un paso do bronce quedou na primeira xornada o equipo de team relay e esa mesma situación repetiuse en dúas ocasións este sábado en terras valencianas. Samuel González rematou cuarto a carreira sub23 de XCO  e Alejandro Trasbach fixo o propio na máster-40A.


Durán foi neutralizado nos últimos metros e Mera repetiu segundo posto na 2ª xornada da Txuma cadete





A Selección de Galicia volveu acariciar a vitoria parcial na segunda etapa da Txuma cadete. Rubén Durán finalizou quinto tras chegar escapado aos últimos metros onde foi neutralizado polo grupo principal no que Miguel Ángel Mera rematou segundo, o mesmo posto que ocupara na xornada anterior. O ciclista do Cortizo - Anova  sitúase líder da Regularidade e na xeral marcha terceiro.


Miguel Ángel Mera obtén a segunda praza na primeira etapa da Txuma cadete





A primeira xornada da VI Txuma cadete resolveuse ao sprint e a Selección de Galicia rozou a vitoria. Miguel Ángel Mera ocupou a segunda posición nos 61,5 quilómetros con saída e chegada en Erandio. O máis rápido nesta chegada masiva foi Lander Lartitegi (Basati).

O corredor galego do Cortizo - Anova acadou 6 segundos de bonificación na liña , o que o sitúa na xeral a 4" do vencedor da xornada. No grupo principal tamén entraron Rubén Durán (44º) e Brais Gómez (54º).