Novas

Pesar polo falecemento da nai de Enrique Salgueiro Alonso





A Federación Galega de Ciclismo envía as súas máis sinceras condolencias e todo o seu cariño a Enrique Salgueiro Alonso e a súa familia polo falecemento durante a fin de semana da nai do director deportivo do Guerciotti-Kiwi Atlántico. DEP

 

 

Tema: 

Carla Fernández, novena na contra o reloxo dos Campionatos de España





Non houbo medallas na xornada deste domingo reservada ás contra o reloxos no Campionato de España Júnior e Máster, pero si representación autonómica no Top-10 de varias categorías. Na localidade asturiana de San Román de Candamo, Carla Fernández obtivo a novena posición entre as juniors competindo coas cores da Selección de Galicia, Justo González (MTC) rematou cuarto nos Máster-30B, Jose Riol (Orensano) clasificouse cuarto nos Máster-50B e Mónica Alarcón (Arcadecycles) finalizou cuarta nas Máster-40A. 


Rubén Fernández e Manuel Prieto báñanse en prata nas probas en liña do Campionato de España Máster





Os Campionatos de España Júnior e Máster de estrada 2019 arrancaron este sábado na localidade asturiana de Grado con dous corredores galegos subindo ao podio. Rubén Fernández (Norinver) logrou a medalla de prata na proba en liña da categoría Máster-40A e o mesmo resultado obtivo o seu compañeiro de equipo Manuel Prieto na carreira máster-60A.


A oficina da FGC permanece pechada ata o luns 19 de agosto





Por mor do festivo estatal do xoves 15 e do local en Vigo do venres 16, a oficina da Federación Galega de Ciclismo (FGC) permanecerá pechada no que resta da semana. Reabrirá as súas portas o luns, día 19, no seu horario habitual de verán. 

Tema: 

Pablo Rodríguez e Carlos Canal, convocados para o Mundial de Canadá





A estación de esquí canadense de Mont- Saint-Anne acollerá do 28 de agosto ao 1 de setembro os Campionatos do Mundo de Mountain Bike, aos que a Selección Española acudirá cun total de 17 corredores, que participarán nas modalidades de XCO e Descenso. Dous dos representantes do combinado estatal serán galegos.