Novas

Mila López e Iván Manoel Montero brillan na Extremadura European Paracycling Cup





Vestindo as cores do C.C. Riazor dous paraciclistas galegos acumularon éxitos na Extremadura European Paracycling Cup, evento de categoría C1 do calendario da Unión Ciclista Internacional (UCI). Mila López sumou dous triunfos na categoría WH4 e Iván Manoel Montero rematou dúas veces segundo nesta competición internacional celebrada a pasada fin de semana en Cáceres. 

O sábado disputouse a proba en ruta nun circuíto de 11,6 quilómetros, mentres que o domingo o trazado da contrarreloxo individual tiña unha lonxitude de 10,2 quilómetros. 


A Transgalaica recalará en Silleda este domingo con máis de 400 participantes





En Silleda disputarase este domingo, con previsión de máis de 400 participantes, a cuarta proba puntuable para o circuíto Transgalaica. Os corredores darán dúas voltas a un percorrido de 31 quilómetros de lonxitude, que partirá da rúa do Parque na Bandeira para enfilar hacia Chapa, Negreiros, O Castro e Carboeiro, discurrindo polo entorno do mosteiro e o mirador da Fervenza do Toxa antes de regresar ata A Bandeira.


Presentación do Club Ciclista Ponteareas





O Auditorio Municipal de Ponteareas acolleu o pasado domingo a presentación dos equipos do Club Ciclista Ponteareas para esta tempada 2019. Fo, sen dúbida, unha das presentacións máis numerosas que que se levan desenvolvido en toda a historia do club xa que máis de 80 nenos e nenas subiron ao escenario arroupados polas máis de 300 persoas presentes no auditorio ponteareán.

Tema: 

Tres galegos vestíronse de líderes do Open de España de DHI en Tuña





Despois da suspensión da primeira proba polo falecemento dun participante, o Open de España de Descenso (DHI) reiniciouse o domingo en Tuña (Asturias) con tres galegos impoñéndose nas súas categorías. A cadete Uxía Álvarez (Coruxo), o máster-30 Manuel Pellón (BDM Bike) e o máster-40 José Manuel Verdía (CiclosQuintena) fixéronse cos primeiros maillots de líderes. A este triple éxito hai que engadir a terceira posición obtida por Marco Martínez (Corbelo) nos juniors e a segunda praza de Eva Castro (CiclosQuintena) nas elites. 


Modificacións na Normativa Técnica de Mini BTT 2019





A semana pasada tivo lugar na sede da FGC unha reunión de Comisión Delegada con carácter extraordinario na que se trataron os seguintes asuntos en cumprimento dos Estatutos da FGC, art. 13.1: estudo e aprobación de modificacións na Normativa Técnica 2019 e aprobación das últimas modificacións dos calendarios deportivos 2019

Tema: